Home » هەواڵ » کوردستانی » ئۆجالان نامەیەك بۆ تاڵەبانی و بارزانی ناردووه
عەبدوڵڵا ئۆجالان؛سەرۆكی زیندانیكراوی پەكەكە

ئۆجالان نامەیەك بۆ تاڵەبانی و بارزانی ناردووه

شاندی پارتی دیموكراتی گەلان (هەدەپە) دوێنێ‌ لە ئیمڕاڵی دوو نامەیان لە ئۆجالان وەرگرت و بڕیارە نامەیەكیان لە هاهەنگی نەورۆزدا بخوێنرێتەوە و نامەیەكیشیان بگەیەنرێتە دەستی تاڵەبانی و بارزانی.

سری سورەییا ئۆندەر ؛ئەندامی شاندی هەدەپە؛ بە ئاژانسی هەواڵی (فورات)ی ڕایگەیاندووە: “ئۆجالان نامه‌كه‌ی ته‌واو كرد و ڕاده‌ستی ئێمه‌ی كرد، 21ی ئادار له ‌ئاهه‌نگی نه‌ورۆز لە ئامەد بۆ ته‌واوی جیهان بە زمانی كوردی و توركی دەیخوێنینەوە”.

ڕاشیگەیاندووە: “نامەكەی ئۆجالان به ‌كوردی له‌لایه‌ن په‌روین بوڵدان ؛سه‌رۆكی فراكسیۆنی هه‌ده‌په؛‌ و به‌توركیش له‌لایه‌ن خۆمەوە دەخوێندرێتەوە”.

ئاشكراشی كردووە: ” ئۆجەلان لە پەیامەكەی نەورۆزیدا هەڵسەنگاندنێكی هەمەلایەنی كردووە، هەنگاوی كردەیی گرنگی تێدا دەستنیشانكراون بۆ گەیشتن بە دیموكراتی و چارەسەری ئاشتیانە”.

ئەو پەرلەمانتارەی هەدەپە ئاماژەی بە ناردنی نامەكەی عەبدوڵڵا ئۆجالان؛سەرۆكی زیندانیكراوی پەكەكە؛ بۆ جەلال تاڵەبانی ؛سكرتێری گشتی یەكێتی؛ و مەسعود بارزانی ؛سەرۆكی هەرێمی كوردستان؛ كرد و وتی: “لە چەند ڕۆژی داهاتوودا لەگەڵ لەیلا زانا ؛پەرلەمانتاری شاری ئامەد؛ سەردانی باشووری كوردستان دەكەین و لەگەڵ بارزانی و تاڵەبانی و سەرجەم پارتەكانی دیكەی باشووری كوردستان كۆدەبنەوە، لەگەڵ خۆماندا ئەو نامەیە دەبەین، كە ئۆجەلان بۆ تاڵەبانی و بارزانی نووسیوە”.

هەروەها ئاماژەی بەوەدا: “لەم دیدارانەماندا گرنگترین پرس، پرسی بەستنی كۆنگرەی نەتەوەیی دەبێت، هەروەها هەڵنانی هەنگاوی كردەییە لەپێناو پاراستنی سەلامەتی گیانی خەڵكەكەمان لە ڕۆژئاوا، موسڵ، كەركوك و كۆبانێ،  ئۆجەلانیش لەمبارەیەوە پێشنیاز و هۆشداری خۆی هەیە”.

دەربارەی بەربەستی 10% لەبەردەم پارتی دیموكراتی گەلان، جەختیشی كردەوە:” ئۆجەلان جەختی لەوە كردووەتەوە و پێیوانییە، كە بەربەستی 10% هیچ رێگرییەك بكات”. وتیشی: ” ئۆجالان وتویەتی، دەبێ زیاتر لە 105ی دەنگەكان بەدەستبهێنرێ”.

Leave a Reply

Your email address will not be published.

Time limit is exhausted. Please reload the CAPTCHA.