Home » هەواڵ » کوردستانی » پێدانی کارەبای نیشتمانی زیادتر دەکرێت
کارەبا

پێدانی کارەبای نیشتمانی زیادتر دەکرێت

وەزارەتی کارەبا پێداچوونەوە بە خشتەی پێدانی کارەبای نیشتمانی بۆ مانگی نیسان دەکات و بەڕێوەبەری کۆنتڕۆڵی کارەبای ھەرێمیش رایدەگەیەنێت: ئەگەر پلەکانی گەرما بەرزببێتەوە، پێدانی کاتژمێرەکانی کارەبا زیاتر دەکەین.

ئومێد ئەحمەد، بەڕێوەبەری کۆنتڕۆڵی کارەبای ھەرێم له‌لێدوانێکیدا بۆ میدیاکان رایگەیاند: وەزارەتی کارەبا لەبەرنامەیدا بەدرێژایی مانگی نیسان، (١٤ بۆ ١٥) سەعات کارەبای نیشتمانی بدات بەھاووڵاتیان.

وتیشی:” لەئەگەری بەرزبوونەوەی پلەکانی گەرما، ھەوڵدەدەین پێدانی کارەبای نیشتمانی زیاد بکەین”.

بەڕێوەبەری کۆنتڕۆڵی کارەبای ھەرێم، دەڵێت:” ھەرچەندە پاساو نییە، بەڵام ھیچ بەھارێکی ساڵانی رابردوو وەکو ئەمساڵ نەبوو، پلەکانی گەرما بەراورد بەساڵانی رابردوو نزمتر بوو، ئەمەش وایکرد خواست لەسەر بەکارھێنانی کارەبا زیاتر بێت و نەتوانین ئەو بەرنامەیەی دانرابوو جێبەجێی بکەین”.

سەبارەت بەکاریگەری قەیرانی دارایی لەسەر وەزارەتی کارەبا، ئومێد ئەحمەد رایگەیاند: پشکی زۆری کاریگەری قەیرانی دارایی بەر وەزارەتی کارەبا کەوتووە، بەڵام لەگەڵئەوەشدا لەھەوڵداین لەگەڵ سەرۆکایەتی ئەنجومەنی وەزیران و وەزارەتی دارایی بۆ دابینکردنی پێداویستییەکانمان و پلانیشمان ھەیە ئیدارەی بارودۆخەکە بدەین.

Leave a Reply

Your email address will not be published.

Time limit is exhausted. Please reload the CAPTCHA.