Home » هەواڵ » جێهان » بلومبێرگ:بەر لەچوونی سوپای عێراق بۆناو كێڵگە نەوتییەكانی كەركوك، ئامێرەكان دزراون
كێڵگه‌كانی‌ كه‌ركوك

بلومبێرگ:بەر لەچوونی سوپای عێراق بۆناو كێڵگە نەوتییەكانی كەركوك، ئامێرەكان دزراون

سەرجەم ئامێرو كۆمپیوتەرەكانی كێڵگە نەوتییەكانی ئاڤانا‌و بای حەسەن، بەر لەهاتنی سوپای عێراق بۆ ئەو دوو كێڵگەیە دیارنەماون، بەو هۆیەشەوە هەردوو كێڵگەكە داخراون.
ماڵپەری بلومبێرگ بابەتێكی لەبارەی نەوتی كەركوك لەپاش گرژییەكانی چەند ڕۆژی ڕابردوو بڵاوكردووەتەوە، كە بەگوێرەی بابەتەكە ئاستی هەناردەكردنی نەوتی كەركوك بەشێوەیەكی چاوەڕواننەكراو دابەزیوە، چونكە پاش دەستبەسەرداگرتنی كێڵگە نەوتییەكانی ئاڤانا‌و بای حەسەن لەلایەن حكومەتی عێراقەوە، تەماشاكراوە سەرجەم ئامێرەكانی دەرهێنانی نەوت‌و كۆمپیوتەرەكان لەو كێڵگانەدا نەماون.
بەگوێرەی بلومبێرگ، “بەر لەچوونی سوپای عێراق بۆ ئەو دوو كێڵگە نەوتییە، ئامێرەكان دزراون”.
سەرچاوەیەك، كە نەیویستووە ناوی ئاشكرابكرێت بەبلومبێرگ-ی ڕاگەیاندووە، “لەئێستادا هەناردەی نەوت لەو دوو كێڵگەیە وەستاوە‌و تەنانەت كێڵگەكان داشخراون، بۆیە ناشتوانین وەك هەفتەی پێشوو دەست بەهەناردەی نەوت بكەینەوە، چونكە ئامێرەكان دزراون”.
پێشتر ئەو كێڵگە نەوتییانە لەكەركوك بەدەست هێزێكەوە بوو، كە سەر بەوەزارەتی سامانەسروشتییەكانی هەرێم بوو، كە هەر ئەو وەزارەتەش هەناردەی نەوتی ئەو كێڵگانەی كردووە.

Leave a Reply

Your email address will not be published.

Time limit is exhausted. Please reload the CAPTCHA.