Home » هەواڵ » عێراق » سوپای توركیا لەگوندی (برمیزە)ی هەرێمی كوردستان دەكشێتەوە
سوپای توركیا لەگوندی (برمیزە)ی هەرێم

سوپای توركیا لەگوندی (برمیزە)ی هەرێمی كوردستان دەكشێتەوە

ئیحسان جەلبی بەرێوەبەری ناحییەی سیدەكان رایگەیاند، كە سوپای توركیا لەگوندی (برمیزە)ی هەرێمی كوردستان كشاونەتەوە.
بەپێی هەواڵی شەفەق نیوز، ئیحسان جەلبی ئەمڕۆ یەك شەممە راشیگەیاند، سوپاكە لەچەند رۆژی رابردوو بۆ ماوەیەكی كاتی چوونەتە ئەو گوندەو دوای ماوەكەش بەتەواوی كشاونەتەوە.

بەرێوەبەری ناحییەی سیدەكان ئەوەشی راگەیاندووە، كە دانیشتوانی گوندەكە داوایان لەسوپای توركیاو گەریلاكانی پەكەكەش كردووە، كە گوندەكەیان نەكەن گۆڕەبانی ململانێ‌‌و شەڕی نێوانیان.

ئەمە لەكاتێكدایە، سوپای توركیا ماوەیەكە دەستی بە لەشكركێشی بۆ سەر ناوچەكانی هەرێمی كوردستان كردووە، ئەوەش بەبیانووی ئەوەی گەریلاكانی پارتی كرێكارانی كوردستان لەچەند ناوچەیەكی هەرێم بوونیان هەیە.

Leave a Reply

Your email address will not be published.

Time limit is exhausted. Please reload the CAPTCHA.