Home » هەواڵ » ڕیاڵ مه‌درید جێنشینی راسته‌قینه‌ی کریستیانۆی دۆزیوه‌ته‌وه‌
فابیۆ سیلڤا

ڕیاڵ مه‌درید جێنشینی راسته‌قینه‌ی کریستیانۆی دۆزیوه‌ته‌وه‌

ئیداره‌ی یانه‌ی ڕیاڵ مه‌دریدی ئیسپانی نوێنه‌رانی ئاڕاسته‌ی پورتوگال کردووه‌ بۆ یه‌کلاکردنه‌وه‌ی بۆندی لاوێکی به‌هره‌مه‌ند، که‌ له‌لایه‌ن شاره‌زایانه‌وه‌ به‌ جێنشینی ڕاسته‌قینه‌ی کریستیانۆ ناوده‌برێت.

پۆرتاڵی “دۆن بالۆن”ی ئیسپانی له‌سه‌رچاوه‌ ناوخۆییه‌کانی یانه‌ی شاهانه‌ی مه‌دریده‌وه‌ ئاشکرای کردووه‌، فلۆرنتینۆ پێرێز و هاوه‌ڵانی ئاگادارکراونه‌ته‌وه‌ له‌ توانا هونه‌ریه‌کانی لاوێکی به‌هره‌مه‌ندی پور‌توگالی به‌ناوی (فابیۆ سیلڤا)، که‌ له‌ڕیزه‌کانی لاوانی پورتوگال و یانه‌ی پۆرتۆ یاریی ده‌کات، پاش لێدانه‌وه‌ی گرته‌کان نوێنه‌رانیان ئاڕاسته‌ی پورتوگال کردووه‌ تا چاودێری یاریزانه‌که‌ بکه‌ن.

پاش چاودێری کردن، نوێنه‌رانی یانه‌ی شاهانه‌ داوایان له‌ پێرێز کردووه‌ به‌په‌له‌ بۆند پێشکه‌شی لاوه‌ به‌هره‌مه‌نده‌که‌ بکات که‌ ته‌مه‌نی ١٦ ساڵه‌، به‌رزی باڵای ١.٨٥ و له‌ پێگه‌ی سه‌نته‌ری هێرشبه‌ری و باڵی ڕاست یاریی ده‌کات، هه‌ڵگری ئه‌مان (دی ئێن ئه‌ی) کریستیانۆیه‌ و له‌ کوالیتی و شێوازی یاریکردن و به‌هره‌کانیدا هاوشێوه‌یه‌، ئه‌وه‌ش زیاتر سه‌رنجی یانه‌ مه‌دریدیه‌که‌ی ڕاکێشاوه‌ بیرکردنه‌وه‌ی یاریزانه‌که‌یه‌ که‌ هاوشێوه‌ی کریستیانۆ پۆڵاینه‌ و ته‌نها به‌ بردنه‌وه‌ قایل ده‌بێت، له‌ یه‌ک کاتدا گۆڵکار و دروستکه‌ری گۆڵه‌ له‌هه‌ردوو پێکژهاته‌ی لاوانی پورتوگال و پۆرتۆ.

سه‌رچاوه‌که‌ جه‌خت ده‌کاته‌وه‌، پێرێز بڕیاریداوه‌ گواستنه‌وه‌که‌ به‌ ئه‌نجام بگه‌یه‌نێت که‌ بڕی ١٥ ملیۆن یورۆی تێده‌چێت، به‌وشێوه‌یه‌ لاوێکی به‌هره‌مدندی دراگاوه‌کان ئاڕاسته‌ی تیپی کاستیا ده‌کات که‌ ده‌کرێت له‌ داهاتودا سودی گه‌وره‌ به‌ پێکهاته‌ی یه‌که‌می یانه‌که‌ بگه‌یه‌نێت.

Leave a Reply

Your email address will not be published.

Time limit is exhausted. Please reload the CAPTCHA.