Home » هەواڵ » جێهان » حوسیەكانی یەمەن فڕۆكەخانەیەكی سعودیەیان بۆردوومانكرد
حوسیەكانی یەمەن

حوسیەكانی یەمەن فڕۆكەخانەیەكی سعودیەیان بۆردوومانكرد

وتەبێژی وەزارەتی بەرگری یەمەن سەر بە حوسییەكان ئەمڕۆ ڕایگەیاند سێ هێرشیان بە فڕۆكەی بێفڕۆكەوان كردووەتەسەر فڕۆكەخانەی ئەبها لە باشوری عەڕەبستانی سعودی.

یەحیا سریع بە كەناڵی مەسیرەی سەر بە حوسییەكانی ڕاگەیاند، لە ئێوارەی دوێنێوە تاكو بەرەبەیانی ئەمڕۆ هێرشی فڕۆكە بێفڕۆكەوانەكان بەردەوام بووە و بە وردی ئامانجەكانیان پێكاوە.

ڕوونیشیكردەوە، فڕۆكەخانەكە، تووشی ئیفیلیجی بووە و بە تەواوی لە جووڵەخراوە، بەتایبەتی پرۆسە لەشكرییەكانی فڕۆكە شەڕكەرەكان.

ئاماژەی بەوشەكرد، هێرشی فڕۆكە بێفڕۆكەوانەكان بەردەوامدەبێت لەگەڵ فراوانكردنی هێرشی هاوپەیمانی عەرەبی بەسەركردایەتی عەڕەبستان بەتایبەت كە لە ماوەی دوو ڕۆژی ڕابردوودا فڕۆكەكانیان 41 هێرشیانكردووە و كوژراو و بریندار هەبوون.

پێشتر لە بەیانی ئەمڕۆدا توركی مالكی وتەبێژی هاوپەیمانی عەرەبی بڵاویكردەوە كە دوو فڕۆكەی بۆمبڕێژكراویان بەرداوەتەوە لە شەوی ڕابردوودا.

Leave a Reply

Your email address will not be published.

Time limit is exhausted. Please reload the CAPTCHA.