لە بەرەبەیانی ئەمڕۆ پێنج شەممەوە تۆپبارانكردنی دەڤەری برادۆست لە سنووری سۆران لە پارێزگای هەولێر دەستیپێكردەوە.
بەپێی زانیارییەكان تۆپخانەكانی توركیا سنووری گوندی خەلیفان لە دەڤەری برادۆست تۆپباران دەكەن و تا ئامادەكردنی ئەم هەواڵە تۆپباران بەردەوامە.
دوێنێش تۆپخانەكانی توركیا سنووری برادۆستیان تۆپباران كرد و هەفتەی پێشوو بە تۆپبارانی ئێران هاووڵاتییەك شەهید و دووی دیكەش بریندار بوون لە ناوچەكە.
لە ساڵی ڕابردووەوە سوپای توركیا لەشكركێشی بۆ ناوچەی برادۆست كردووە بۆ ڕاوەدوونانی گەریلاكانی پارتی كرێكارانی كوردستان كە لە ناوچەكە كە بنكە و بارەگایان داناوە.
