Home » هەواڵ » جێهان » فڕۆکەخانەیەکی سعودیە بۆردومان کرا
موشەكی بالیستی

فڕۆکەخانەیەکی سعودیە بۆردومان کرا

حوسییەكانی یەمەن رایانگەیاند، بە موشەكی بالیستی فڕۆكەخانەی نەجرانیان لە سعودیە بۆردومان كردوە و بەوهۆیەوە گەشتەكانی فرۆكەخانەكە پەكیانكەوت.

عەمید یەحیا سەریع، وتەبێژی هێزە  چەكداریەكانی حوسییەكانی یەمەن ئیمرۆ سێشەممە رایگەیاند، “هێزە چەكدارەكانی تایبەت بە سیستەمی موشەكی، ژمارەیەك موشەكی بالیستیان لە جۆری بەدر-1 ئاراستەی هێزەكانی سوپای سعودیە كردوە لە فرۆكەخانەی نەجران، بەهۆیەوە گەشتە ئاسمانیەكانی ئەو فڕۆكەخانەیە پەكی كەوتوە”.

ئاماژەی بەوەشكرد “ئەو بۆردومانە لە وەڵامی مانۆڕەكانی هاوپەیمانی عەرەبیە كە لە 52 كاتژمێری رابردودا بە سەرۆكایەتی سعودیە و دژ بە چەكدارانی حوسی لە یەمەن مانۆری ئاسمانیان ئەنجامداوە”.

سەرلەبەیانی ئەمڕۆ سێشەممە، هاوپەیمانی عەرەبی بە پێشەنگی عەرەبستانی سعودی لە راگەیەندراوێكدا بلاویكردەوە “هێزەكانیان توانیویانە فرۆكەیەكی بێفڕۆكەوانی سەر بە حوسییەكانی یەمەن بخەنە خوارەوە كە لە عمران-ەوە بەرەو سعودیە بەڕێكەوتبو”.

عەمید توركی مالیكی، وتەبێژی هێزەكانی هاوپەیمانی عەرەبی لە یەمەن لەوبارەیەوە رایگەیاند “هەوڵەكانی چەكدارانی حوسی لە ناردنی فڕۆكەی بێفڕۆكەوان شكستخواردو بوە و هاوپەیمانی عەرەبی باشترین ئامراز بەكاردەهێنێت بۆ پاراستنی خەڵكی سیڤیل”.

سعودیە، پێشڕەوی هێزێكی هاوپەیمانی عەرەبیە بۆ پشتگیریكردن لە سەرۆكی یەمەن لە كۆنترۆڵكردنەوەی وڵاتەكە و دژ بە چەكدارانی حوسی كە لە  رێكەوتی 26ی ئازاری ساڵی 2015 وە تا ئێستا سەنعا-ی پایتەختی ئەو وڵاتەیان كۆنترۆڵكردوە”.

Leave a Reply

Your email address will not be published.

Time limit is exhausted. Please reload the CAPTCHA.