Home » هەواڵ » کوردستانی » فراكسیۆنی یەكگرتوو: بە مەرج دەنگ بە پڕۆژە یاسای چاكسازی دەدەین
سەرچنار ئەحمەد -پەڕلەمانتاری -یەكگرتوو

فراكسیۆنی یەكگرتوو: بە مەرج دەنگ بە پڕۆژە یاسای چاكسازی دەدەین

ئەندامێكی پەڕلەمانی كوردستان ڕایدەگەیەنێت، بە مەرج دەنگ بە پڕۆژە یاسای چاكسازی دەدەین.

بڕیارە سبەینێ پێنج شەممە پەڕلەمانی كوردستان دەنگ لەسەر پڕۆژە یاسای چاكسازی بدات، تاكو ئێستاش فڕاكسیۆنەكان هاوهەڵوێست نین لە سەر بەشێك لە ماددەكان.

سەرچنار ئەحمەد پەڕلەمانتاری فراكسیۆنی یەكگرتوو لە پەڕلەمانی كوردستان لەلێدوانێكی رۆژنامەوانیدا رایگەیاند ، لەسەر پڕۆژەكە قسەمان هەبووە و پێی ڕازی نەبووین، بەتایبەتی لە مووچەی خانەنشینی پلە باڵاكان و ئەو هەژمارە بانكییەی دانراوە بۆ فەرمانبەران، پێمانوایە دەبێت یاسای خانەنشینی یەكگرتووی عیراق كە دادپەروەری تێدایە بۆ فەرمانبەران جێبەجێ بكرێت و هاوشێوەی عیراقی لێبكرێت.

وتیشی”بۆ هەژمارەكەی فەرمانبەران داوامان كردووە ووشەی پاشەكەوتی مووچەی بۆ زیاد بكرێت، چونكە ماددەكە لاستیكییە و دەكرێت حكومەت بە پلە بەرزكردنەوەش حسابی شایستە دارایی بۆ بكات، و داوامان كردووە مانگانە 1%ی ئەو داهاتەی لە پڕۆژەی چاكسازی دەگەڕێتەوە بخرێتەسەر هەژمارەكان، نەك هەژمارەكە دروست بكەیت و لە دوورەوە سەیری بكەیت”.

ئاماژەی بۆ ئەوەش كردن داوامان كردووە لە پاشەكەوتی فەرمانبەران، پارەی كارەبا و ئاو پێشینەكان لە هاوڵاتیان وەربگیرێتەوە، بەم شێوەیە 60%ی ئەو قەرزەی لای حكومەتە نامێنێت.

سەبارەت بە دەنگدانیان بە خانەنشینی پلە باڵاكان ناوبرا ڕایگەیاند، نەمانوتووە دەنگ بە خانەنشینی پلە باڵاكان نادەین، ئێمە دەڵێن با وەك عیراقی لێبكرێت، ئێمە بابەتەكەمان سفر نەكردوەتەوە، پەڕلەمانتاریش فەرمانبەرێكی ئاساییە و دەبێت مامەڵەی لەگەڵدا بكرێت.

ڕوونیشیكردەوە، ئەگەر خانەنشینی پلە تایبەتەكان، هاوشێوەی عیراقی لێبكرێت، بەشێوەیەك 15 ساڵ خزمەت و 45 ساڵ تەمەنی هەبێت، دوای ئەو مەرجانە ئەگەر پەڕلەمانتار بەو بەشێوەیە خانەنشین بكرێت ئێمە دەنگی پێدەدەین، نەك بەو شێوەیە كە ئەگەر سێ ساڵی كەم بوو بۆ 45 بۆی زیاد بكرێت.

جەختی لەوەش كردەوە، هەروەها دەنگ بەوەش نادەین كە ئەوانەی چوار ساڵ لە خولی پەڕلەمانین و تەمەنیان شمول ناكات بە 10% خانەنشین بكرێن، كە تەمەن و خزمەتت نەبێت لەسەر چ ئەساسێك خانەنشین بكرێیت، كە بارگرانی بۆ حكومەتیش دروست دەكات.

Leave a Reply

Your email address will not be published.

Time limit is exhausted. Please reload the CAPTCHA.