Home » هەواڵ » کوردستانی » پەروەردەی سلێمانی: لە كۆتایی ئەم هەفتەیەدا پشووی وەزری یەكەمی ئەمساڵ دەستپێدەكات
لۆگۆی پەروەردەی سلێمانی

پەروەردەی سلێمانی: لە كۆتایی ئەم هەفتەیەدا پشووی وەزری یەكەمی ئەمساڵ دەستپێدەكات

بەپێی ساڵنامەی خوێندنی وەزارەتی پەروەردە هەفتەیەك دەبێتە پشووی وەرزی یەكەمی ناوەندەكانی خوێندن و وتەبێژی پەروەردەی سلێمانیش دەڵێت: “ڕۆژی 25 مانگ یەكەم ڕۆژی دەستپێكی وەرزی دووەمە”.

مەریوان عومەر، وتەبێژی بەڕێوەبەرایەتی گشتی پەروەردەی سلێمانی له‌لێدوانێکیدا بۆ میدیاکان رایگەیاند، لە كۆتایی ئەم هەفتەیەدا تاقیكردنەوەكانی وەرزی یەكەم كۆتاییان دێت و پشووی وەزری یەكەمی ئەمساڵ دەستپێدەكات، كە لە ڕۆژی 17-1-2020 بۆ 23-1-2020 دەبێت.

وتیشی، “بەهۆی ئەوەی ڕۆژی 24-1-2020یش بەر ڕۆژی هەینی دەكەوێت، كەواتە دەستپێكردنەوەی خوێندن بۆ وەرزی دووەم لە ڕۆژی شەممە 25-1-2020 دەبێت”.

ئەمە لەكاتێكدایە، كە پێشتریش ئالان حەمە سەعید، وەزیری پەروەردەی حكومەتی هەرێم لە لیدوانێكی ڕۆژنامەوانیدا ڕایگەیاند، وەك چۆن ساڵنامەی خوێندن هاتووە بەو جۆرە جێبەجێ دەكرێت و گۆڕانكاری بەسەردا نایەت بۆ پشووەكانیش بەهەمان شێوە.

Leave a Reply

Your email address will not be published.

Time limit is exhausted. Please reload the CAPTCHA.