Home » هەواڵ » جێهان » تورکیا هێزی زیاتر دەنێرێتە سەر سنووری سووریا
کاروانی سەربازی تورکیا

تورکیا هێزی زیاتر دەنێرێتە سەر سنووری سووریا

لە ناوەندی بەردەوامی شەڕ و پێکدادانەکان لە نێوان گروپە چەکدارەکانی و سوپای سوریا لە ناوچەی ئیدلیب و حەلەب، شەوی رابردو سوپای تورکیا هێزی زیاتری رەوانەی سوریا کرد و لەسنوری نێوان هەردو وڵات بڵاوەیپێکردن.

بەپێی هەواڵێکی روسیا تودەی، شەوی رابردو کاروانێکی هێزی سەربازی کە چەندین سەرباز و بارهەڵگر و تۆپهاوێژ و ئامێری دیکەی سەربازی لەخۆگرتبو گەیشتە قەزای ریحانلی لە پارێزگای ئیدلیب.

ئاماژەی بەوەشکردوە، “یەکە سەربازییەکانی تورکیا لە ئێستادا لەسنوری نێوان تورکیا و سوریادا بڵاوکراونەتەوە، ئەمەش دوەم کاروانی سەربازی تورکیایە کە لەم چەند رۆژەی کۆتایدا بەرەو سوریا نێردرابێت”.

29ی مانگی رابردو رەجەب تەیب ئەردۆگان، سەرۆک کۆماری تورکیا لەمیانەی لێدوانێکدا رایگەیاند، “روسیا پابەندی رێککەوتننامەی سوچی و ئەستانە لەبارەی ئاگربەست لەسوریا  نەبوە و بەردەوام رژێمی ئەسەد کە روسیا پاڵپشتی دەکات بۆردومانی ئیدلیب دەکات”.

ئەردۆگان باسی لەوەشکردوە، وڵاتەکەی بە روسیای راگەیاندوە، چیتر ئارام ناگرن لە بەرامبەر بۆردومانەکانی ئیدلیب.

پێشتر سێرگی لاڤرۆڤ، وەزیری دەرەوەی روسیا جەختیکردبوەوە لەسەر پاڵپشتی مۆسکۆ بۆ سوپای سوریا، کە بەمەستی لەناوبردنی گروپە چەکدارەکان بۆ سەر پارێزگای ئیدلیب ئەنجامیدەدات.

Leave a Reply

Your email address will not be published.

Time limit is exhausted. Please reload the CAPTCHA.