Home » هەواڵ » عێراق » شانەی راگەیاندنی جەنگی عێراق راگەیەندراوێکی بڵاوکردەوە
logoy -شانەی راگەیاندنی جەنگی عێراق

شانەی راگەیاندنی جەنگی عێراق راگەیەندراوێکی بڵاوکردەوە

شانەی راگەیاندنی جەنگی عێراق رایگەیاند، شەوی رابردو سێ موشەک لەناوچەی سەوزی بەغدا کەوتنەخوارەوە.

بەرەبەیانی ئەمڕۆ باڵیۆزخانەی ئەمریکا لە ناوچەی سەوزی بەغدا بە ژمارەیەک موشەک کراوەتە ئامانج و دوای زەنگی ئاگادارکردنەوەش رێوشوێنی ئەمنی لە نزیک شوێنی روداوکە گیراوەتەبەر.

شانەی راگەیاندنی جەنگی عێراق راگەیەندراوێکی بڵاوکردەوە و باسی لەوەکردوە، شەوی رابردو چوار موشەک لە جۆری کاتیۆشا ئاڕاستەی ناوچەی سەوز بەغدا کراون و یەکێک لە موشەکەکان لە نێو بارەگای لۆجستی حەشدی شەعبی کەوتوەتە خوارەوە.

ئاماژەی بەوەشکردوە، کەوتنەخوارەوەی موشەکەکان هیچ زیانێکی گیانی بەدواوە نەبوە.

دوای ئاڕاستەی کردنی ئەو موشەکانەش، زەنگی ئاگادارکردنەوە لە سەرجەم بەش و ناوچەکانی نیشتەجێبونی تایبەت بە کارمەند و دبلۆماتکارانی ئەمریکی کە لە باڵیۆزخانەکەدا کار دەکەن لێدرا.

بنکە و بارەگا سەربازی و نوێنەرایەتییە دبلۆماسییەکان ئەمریکا لە عێراق لە سەرەتای ئەم مانگەوە 19 جار کراونەتە ئامانج، پێنجشەممەی رابردوش بنکەی سەربازی کەی وەن لە کەرکوک کە هێزەکانی ئەمریکای تێدا نیشتەجێبون کرایە ئامانج.

Leave a Reply

Your email address will not be published.

Time limit is exhausted. Please reload the CAPTCHA.