Home » هەواڵ » کوردستانی » ئەنجومەنی پارێزگای هەولێر كۆبویەوە
ئەنجومەنی پارێزگای هەولێر

ئەنجومەنی پارێزگای هەولێر كۆبویەوە

ئەنجومەنی پارێزگای هەولێر گفتوگۆی رێکارەکانی بەرەنگاربونەوەی ڤایرۆسی کۆرۆنا دەکات، پارێزگاری هەولێریش رایدەگەیەنێت، پێویستە وادەیەک بۆ گەڕانەوەی ئەو هاوڵاتیانەی لە دەرەوەن دابنرێت.

ئەمڕۆ ئەنجومەنی پارێزگای هەولێر بە ئامادەبونی فرسەت سۆفی، پارێزگاری هەولێر دوەم کۆبونەوەی نائاسایی تایبەت بە بەرەنگاربونەوەی ڤایرۆسی کۆرۆنا ئەنجامدا.

فرسەت سۆفی، پارێزگاری هەولێر لە کۆبونەوەی ئەنجومەنی پارێزگا رایگەیاند، “هەزار و 351 کەس کەرەنتین کراونە کە لە 95٪ لەحاجی ئۆمەران هاتونەتەوە ئەوانەی تریش لە فڕۆکەخانە و بەشێۆی قاچاغ و ڕێگای مونزریە هاتونەتەوە”.

ئاماژەی بەوەشکرد، ئەمڕۆ ژمارەیەک هاوڵاتی دیکە لەکەرەنتین دەڕۆنەوە ماڵەکانیان، کۆی گشتیان ئەوانەی کەرەنتینیان جێهێشتوە دەبن بە 957 کەس، هاوکات 394 کەس دەمێننەوە، رۆژانەش خەڵکی نوێ دێنەوە، بەڵام ژمارەکە ڕۆژ بەڕۆژ کەمتر دەبێتەوە.

پارێزگاری هەولێر باسی لەوەشکرد، “کێشەمان هەیە لەمەرزە قاچاغەکان و مونزڕیە، داوا لە هاوڵاتیان دەکەین کە هاتنەوە شوێنی باشمان هەیە و دەیان پارێزین، بۆیە لەپێناوی کەسوکار و منداڵ و شارەکانیان بەقاچاغ نەگەڕێنەوە و میوانی ئێمەن و سەلامەتیان دەپارێزین”.

رونیشیکردەوە، “گلەیی زۆرمان هەیە لەوانەی بەقاچاغ دێنەوە و داوای هاوکاریان لێ دەکەین، بەر لەکۆبونەوەکە سێ ناویان پێداوین کە لەڕێگای بەغدا هاتونەتەوە، تیممان نارد تاوەکو بیانهێننو کەرەنتین بکرێن، بەداخەوە ئەگەر تێکەڵ بوبن دەبێت خێزان و منداڵەکانیشیان کەرەنتین بکەین، داواش دەکەین هاوڵاتیان هەواڵمان پێبدەن”.

ئەوەشی خستەڕو، لەکۆبونەوەی ئەنجومەنی وەزیران داوا دەکات هاوشێوەی عیراق سنورەکان بۆ هاتنەوەی هاوڵاتیان دابخرێت، مۆڵەتی چەند ڕۆژێک دابنێین بۆ ئەوەی هاوڵاتیان بگەڕێنەوە، ئەگەر تا ئەو ڕۆژەی دیاری دەکرێت هەرکەسێک نەگەڕێتەوە ئەوا ڕێگا بەهاتنەوەی هیچ کەسێک نادرێت.

لەبارەی حاڵەتەکانی توشبوانی کۆرۆنا، پارێزگای هەولێر وتی، “تائێستا دو حاڵەت هەیە لە هەولێر که یەکێکیان سەردانی ئێرانی کردوە و شێرپەنجەی هەبوە تەمەنی 49 ساڵە، ژنێکی تریش تەمەن 33 ساڵ بەدوای وردەکاری هۆکاری توشبونی دەچین، سەرجەم ئەو شوێنانە تەعقیم کراون و هیچ کەسێک لەخێزانەکانیشیان توش نەبون”.

لەبارەی هاوردەکردنی کەلوپەل و سوتەمەنی، فرسەت سۆفی دەڵێت، “ئێستا هەر لەسەر سنور سەرجەم بارەکان لەژێر کۆنتڕۆڵی ئاسایش دەخرێنە بارهەڵگری خۆمان و ڕێگا بەتێکەڵبونی شوفێرانی ئێرانی نادرێت  لەگەڵ شۆفێرە کوردەکان”

Leave a Reply

Your email address will not be published.

Time limit is exhausted. Please reload the CAPTCHA.