Home » هەواڵ » کوردستانی » شێركۆ جەودەت: حكومەتی هەرێم دەیەوێت دەستكاری دەرماڵە ناجێگیرەكانی فەرمانبەران بكات
شێركۆ جەودەت

شێركۆ جەودەت: حكومەتی هەرێم دەیەوێت دەستكاری دەرماڵە ناجێگیرەكانی فەرمانبەران بكات

سەرۆكی فراكسیۆنی یەكگرتوو لە پەڕلەمانی كوردستان ڕایدەگەیەنێت، حكومەتی هەرێم دەیەوێت دەستكاری دەرماڵە ناجێگیرەكان بكات ، بەوەش لەوانەیە لەسەدا 30 ی موچەی موچەخۆرانی پێ كەمبكرێتەوە، دەشڵێت،”هەڵەكەیەكی گەورەیە و ستەمە لە مووچەخۆران، چونكە 48% مووچە لە دەرماڵەوەیە”.

د.شێركۆ جەودەت، سەرۆكی فراكسیۆنی یەكگرتوو لە پەڕلەمانی كوردستان بە میدیایی فەرمی حزبەكەی ڕاگەیاندووە، حكومەتی هەرێمی كوردستان لەسەر بنەمای یاسای چاكسازی دەیەوێت دەستكاری مووچەی فەرمانبەران، ئەمە ئەوەبوو كە ئێمە لێی دەترساین و دەنگمان بۆ نەداو هۆڵی پەرلەمان جێهێشت ، بڕگەیەكی یاساكە بەس لەوە دەكات، ڕێكخستنەوەی دەرماڵەكان لەلایەن حكومەتەوە، بۆیە ئێستا حكومەت بە نیازە دەستكاری دەرماڵەكان بكات.

دەشڵێت،” پێویستە پێش دەستكاریكردنی مووچەی فەرمانبەران، دەبێت داهاتی نادیاری زیاتر 40 % ی نەوت و گازی هەرێمی كوردستان ئاشكرا بكرێت ، هەروەها وەڵامی ئەو ملیار دۆلارە بدرێتەوە، كە دەوترێت لە بانكێكی لوبنان قەتیس بووە، دەبێت دیوانی چاودێری دارایی راپۆرتێكی متمانە پێكراو دەربكات لەسەر داهات و خەرجییەكانی حكومەت، گەندەڵی و بەهەدەردانی گەورە ئەمە، نەك دەست ببرێت بۆ موچەی فەرمانبەران”.

ڕاشیگەیاندووە، ئەوەی بەنیازە بیكات چاكسازی نیە حكومەت كە بە نیازە بیكات بەڵكو هەڵەیە گەورەیە، دەمێكە ئێمە ئاگادارین، لە كابینەی ڕابردووەوە بە نیازی تەقیتێكی گونجاو بوو بۆ ئەوەی دەستكاری دەرماڵە بكات، ئەوەش هەڵەكەیەكی گەورەیەو ستەمە لە موچەخۆران .

ئاماژەی بۆ ئەوەشكردووە، دوو جۆر دەرماڵە هەیە، دەرماڵە جێگیر و ناجێگیرەكان، دیارە ئەوان دەیانەوێت دەستكاری دەرماڵە ناجێگیرەكان بكەن، بەوەش لەوانەیە لەسەدا 30 ی مووچەی موچەخۆرانی پێ كەمبكرێتەوە و ئەو بڕەش زۆرە.

ئاشكراشیكردووە، لە كاتی شەڕی داعش، پاشەكەوتی مووچە هێنرایە ئاراوە، ئێستاش بە بیانووی كۆرۆناوە دیسان دەیەوێت زەبرێكی دیكە لە موچەی فەرمانبەران بدات، من مانگێك لەمەوبەر هۆشدارییەكمدا لەوەی حكومەت لە بری ئەوەی داهاتە نادیارەكان ئاشكرا بكات، دەیەوێت دەستكاری موچەی فەرمانبەران بكات، كە نابێت حكومەت ئەو هەڵەیە گەورەیە بكات.

Leave a Reply

Your email address will not be published.

Time limit is exhausted. Please reload the CAPTCHA.