Home » هەواڵ » کوردستانی » ژوری ئۆپەراسیۆنی پارێزگای هەولێر راگەیەندراوێکی بڵاوکردەوە
پارێزگای هەولێر

ژوری ئۆپەراسیۆنی پارێزگای هەولێر راگەیەندراوێکی بڵاوکردەوە

ژوری ئۆپەراسیۆنی پارێزگای هەولێر راگەیەندراوێکی بڵاوکردەوە و رایگەیاند، هاوڵاتییان و هاوشاریانی خۆشەویستی پارێزگای هەولێر دڵنییا دەکەنەوە، بەهەمو شێوەیەک لە هەوڵەکانیان بۆ خۆپارێزی و پاراستنی ئاسایشی تەندروستییان بەردەوام دەبن.

ژوری ئۆپەراسیۆنی پارێزگای هەولێر شەوی رابردو بەسەرپەرشتی فرسەت سۆفی، پارێزگاری هەولێر کۆبوەوە و راگەیەندراوی بڵاوکردەوە و رایگەیاند، “هاوڵاتییان و هاوشاریانی خۆشەویستی پارێزگای هەولێر دڵنییا دەکەینەوە، بەهەمو شێوەیەک لە هەوڵەکانمان بۆ خۆپارێزی و پاراستنی ئاسایشی تەندروستییان بەردەوامین و  پارێزەری هاوشاریانی خۆمانین”.

ئاماژەی بەوەشکردوە، “لەگەڵ ئەوەشدا داواکارین هاووڵاتییانمان پابەندبن بە بڕیار و رێنماییە تەندروستییەکان و ئەو چەند رۆژە بەرگە بگرن و خۆیان بپارێزن لە کۆبونەوە و قەرەباڵغی و لەماڵەکانیان بمێننەوە”.

بەپێی راگەیەندراوەکە  جەخت لەم خاڵانەی خوارەوە کرایەوە.

یەکەم: ژوری ئۆپەراسیۆنی پارێزگای هەولێر، سوپاسی زۆری هاوڵاتییانی سنوری پارێزگای هەولێر دەکات کە دوێنێ 2020.3.24 لەیەکەم رۆژی قەدەغەکردنی هاتوچۆی سەرتاسەری بۆ ئۆتۆمبێل و پیادە، تا رادەیەکی زۆر باش پابەند بوون.

دوەم: هەروەها سوپاسی هەمو هێزە ئەمنییەکان و ناوخۆ و پێشمەرگە دەکەین کە بە شەونخونی و ئێشکگریی بەردەوامیان بەشەو و رۆژ هەمو توانای خۆیان خستوەتەگەڕ لەپێناوی ئەوەی هاوڵاتییان و هاوشاریانی خۆمان لە شارەکەمان پارێزراوبن.

سێیەم: سوپاسی سەرجەم قەیمقام و بەڕێوەبەری ناحییەکانی سنووری پارێزگای هەولێر و فەرمانگەی تەندروستی و تەواوی تیمەکانی تەندروستی و هەمو ئەوانەش دەکەین کە ماندونەناسانە و دڵسۆزانە بەکارەکانی خۆیان هەڵساون لەپێناوی پاراستن و خزمەتکردنی هاوڵاتییان لە خۆپارێزی ڤایرۆسی کۆرۆنا

چوارەم: بە پێویستیشی دەزانین سوپاسی دەزگای خێرخوازی بارزانی و لقی هەولێری مانگی سوری عێراقی و تەواوی خێرخوازانی شارەکەمان بکەین، کە لەو ماوەیەدا بە هۆی ئەو بارودۆخە نەخوازراوەی بەهۆی ڤایرۆسی کۆرۆنا هاتۆتە پێش و بووەتە هۆی ئەوەی خەڵکێکی زۆری هەژار بێ کار و کەسابەت بمێننەوە، بە ئەرکی مرۆیی و نیشتمانیی و ئاینیی خۆیان هەڵساون و کۆمەک و هاوکاریی و خواردنیان گەیاندۆتە ژمارەیەکی بەرچاووی خەڵکی کەم دەرامەت و هەژار و هێشتاش بەردەوامن.

Leave a Reply

Your email address will not be published.

Time limit is exhausted. Please reload the CAPTCHA.