Home » هەواڵ » عێراق » مەرجى هاوپەیمانى سائیروون بۆ دەنگدان بە کابینەکەى مستەفا کازمى
هاوپه‌یمانی سائیرون

مەرجى هاوپەیمانى سائیروون بۆ دەنگدان بە کابینەکەى مستەفا کازمى

هاوپەیمانى سائیروون لەپەرلەمانى عێراق مەرجى دەنگدان بە کابینەکەى مستەفا کازمى ئاشکرا دەکات و رایدەگەیەنێت تا سەیرى بەرنامەى کابینەکە نەکەن و رەزامەند نەبن لەسەرى دەنگى پێ نادەن.

لەبەیاننامەیەکدا هاوپەیمانى سائیروون لە پەرلەمانى عێراق ئاشکرای کرد، ئەوان وەک سەرەتا پشتیوانیان لە  مستەفا کازمى کردوە، بەڵام تا بەرنامەى کابینەکە نەبینن ئەوا دەنگى پێ نادەن.

ئاماژە بەوەشکراوە، ئەگەر کارنامەى حکومەت داواکارییەکانى ئەوان و خۆپیشاندەرانى تێدا جێگە نەکرابێتەوە ئەوا ئامادە نین لە پەرلەماندا دەنگى پێبدەن.

هەروەها هاوپەیمانى سائیروون جەختیکردوەتەوە، پێویستە کازمى لە کارنامەى حکومەتەکەیدا میکانیزمەکانى رووبەرووبوونەوەى گەندەڵى و گەندەڵکاران دابنێت و هەروەها پرۆژەى چاکسازیش بخاتەڕوو.

لەبیاننامەکەدا سائیروون جەخت لەوە دەکاتەوە، ئەگەر ئەو مەرجەکانەى ئەوان دیاریانکردوە بۆ دەنگدان بە کابینەکەى کازمى نەبێت ئەوا بەشدارى لە دانیشتنى پەرلەمانیش ناکەن.

ئەوەش لەکاتێکدایە کە رۆژى هەینی سەلام شەمەری پەرلەمانتارى سائیروون رایگەیاند، ئەوان پشتیوانی لە مستەفا کازمى دەکەن و بەلای ئەوانیشەوە گرنگە كە پێكهێنانی حكومەتی نوێی لەژێر خواست و داواكارییەكانی خەڵك بێت

رۆژى پێنجشەممەی رابردوو بەرهەم ساڵح سەرۆك كۆماری عێراق لەكۆشكی سەلام بە ئامادەبوونی بەرپرسان و پەرلەمانتاران  مستەفا كازمی بۆ پێكهێنانی كابینەی نوێ  راسپارد و دواتریش زۆربەی لایەنەكان پشتیوانی خۆیان بۆ راگەیاند بە كورد و سوننەشەوە.

Leave a Reply

Your email address will not be published.

Time limit is exhausted. Please reload the CAPTCHA.