Home » هەواڵ » کوردستانی » مەسرور بارزانی پەیامێكی پیرۆزبایی بە بۆنەی هاتنی مانگی ڕەمەزان بڵاوكردەوە
مەسرور بارزانی

مەسرور بارزانی پەیامێكی پیرۆزبایی بە بۆنەی هاتنی مانگی ڕەمەزان بڵاوكردەوە

مەسرور بارزانی سەرۆكی حكومەتی هەرێمی كوردستان پەیامێكی پیرۆزبایی بە بۆنەی هاتنی مانگی ڕەمەزان بڵاوكردەوە.

سەرۆكی حكومەتی هەرێمی كوردستان لە پەیامەكەیدا سوپاسی مامۆستایانی ئایینی دەكات كە کە رۆڵێکی گرنگ و بەرچاویان هەبوو لە هاوکاریکردنی جێبەجێکردنی رێکارەکانی رووبەڕووبوونەوەی ڤایرۆسی کۆرۆنا و رێنماییە تەندروستییەکان.

دەقی پەیامەكە:

پەیامی سەرۆکی حکومەتی هەرێمی کوردستان بەبۆنەی هاتنی مانگی رەمەزان

بەبۆنەی هاتنی مانگی رەمەزانی پیرۆز ، پیرۆزبایی لە موسڵمانانی کوردستان و جیهان دەکەم. هیوادارم مانگی خێر و بەرەکەت و رەحمەت بێت و خوای مەزن و دلۆڤان ، رۆژوو و نزا و عیبادەتی هەمووان قبوڵ بکات.

لێرەدا بە پێویستی دەزانم سوپاسی مامۆستایانی ئاینی هەرێمی کوردستان بکەم کە رۆڵێکی گرنگ و بەرچاویان هەبوو لە هاوکاریکردنی جێبەجێکردنی رێکارەکانی رووبەڕووبوونەوەی ڤایرۆسی کۆرۆنا و رێنماییە تەندروستییەکان . داواشیان لێدەکەم کە بەردەوام بن لە رێنماییکردنی هاووڵاتییان بۆ پاراستنی خۆیان و کۆمەڵگە لەم پەتایە.

ئومێدەوارین هاتنی مانگی رەمەزان ببێتە مایەی خێر و خۆشی بۆ هەموو لایەک.

مەسرور بارزانی

سەرۆکی حکومەتی هەرێمی کوردستان.

2020/4/23

Leave a Reply

Your email address will not be published.

Time limit is exhausted. Please reload the CAPTCHA.