Home » هەواڵ » عێراق » وەزارەتی تەندروستی عیراق ئامارێكی نوێی لەبارەی ڤایرۆسی كۆرۆناوە بڵاوكردەوە
ڤایرۆسی كۆرۆنا

وەزارەتی تەندروستی عیراق ئامارێكی نوێی لەبارەی ڤایرۆسی كۆرۆناوە بڵاوكردەوە

وەزارەتی تەندروستی عیراق ئاماژە بە تۆماركردنی 44 حاڵەتی توشبوونی نوێ‌ بە ڤایرۆسی كۆرۆنا و دوو حاڵەتی گیانلەدەستدانیش دەكات بەهۆی ڤایرۆسەكەوە، كۆی گشتی توشبوون و گیانلەدەستدانیش لە وڵاتدا ئاشكرادەكات.

بەپێی بەیاننامەیەك كە ئەمڕۆ پێنج شەممە لەلایەن وەزارەتی تەندروستی عیراقەوە بڵاوكرایەوە، لەماوەی 24 كاتژمێری ڕابردوودا 44 حاڵەتی توشبوونی نوێ‌ بە ڤایرۆسی كۆرۆنا لە وڵاتدا تۆماركراون.

هەر لە بەیاننامەكەی وەزارەتی تەندروستَیدا هاتووە”توشبووەكان بەسەر ئەم ناوچانەدا دابەشبوون: بەغدا كەرخ: 1 حاڵەت، بەغدا مەدینە توب: 1 حاڵەت، بەسرە: 5 حاڵەت، نەجەف: 10 حاڵەت، سلێمانی: 12 حاڵەت، كەربەلا: 7 حاڵەت، دیوانیە: 1 حاڵەت، هەولێر: 2 حاڵەت، كەركوك: 5 حاڵەت”.

وەزارەتی تەندروستی عیراق ئاماژە بە تۆماركردنی دوو حاڵەتی نوێی گیانلەدەستدان دەكات كە لە (بەغدا ڕەسافە و بەسرە) تۆماركراون.

هەروەها تەئكیدی لەسەر بوونی 20 حاڵەتی نوێی چاكبوونەوەش كردووە كە لەم ناوچانەدا تۆماركراون: بەغدا كەرخ: 1 حاڵەت، بەسرە: 3 حاڵەت، نەجەف: 10 حاڵەت، كەربەلا 6 حاڵەت.

وەزارەتی تەندروستی عیراق دەڵێت، تائێستا كۆی گشتی تووشبوان بە ڤایرۆسی كۆرۆنای نوێ‌ گەیشتۆتە 772 حاڵەت، لەو چوارچێوەیەشدا 54 حاڵەتی گیانلەدەستدان بەهۆی ڤایرۆسەكەوە تۆماركراون، و كۆی گشتی حاڵەتەكانی چاكبوونەوەش گەیشتۆتە2020 حاڵەت.

Leave a Reply

Your email address will not be published.

Time limit is exhausted. Please reload the CAPTCHA.