Home » هەواڵ » جێهان » حەسەكە.. هێزەكانی ئەمریكا چەندین هێكتار كێڵگەی كشتوكاڵی تایبەت بە دانەوێڵەیان سوتاندوە

حەسەكە.. هێزەكانی ئەمریكا چەندین هێكتار كێڵگەی كشتوكاڵی تایبەت بە دانەوێڵەیان سوتاندوە

هێزەكانی ویلایەتە یەكگرتوەكانی ئەمریكا چەند رۆژێك لەمەوبەر لەرێگەی هێڵیكۆپتەری ئاپاچی-یەوە لە پارێزگای حەسەكە چەندین هێكتار كێڵگەی كشتوكاڵی تایبەت بە دانەوێڵەیان سوتاندوە.

ئاژانسی هەواڵیی سكای نیوز-ی بریتانی ئەمڕۆ هەینی بڵاویكردوەتەوە، چەند رۆژێك لەمەوبەر لەرێگەی هێلیكۆپتەری ئاپاچی-ەوە، هێزەكانی ویلایەتە یەكگرتوەكانی ئەمریكا باڵۆنی گەرمیی (باڵۆنی حەراری)ان خستوەتە خوارەوە بەسەر پانتاییەكی زۆر لە كێلگە كشتوكاڵییەكانی حەسەكەی رۆژئاڤای كوردستاندا.

ئاماژەی بەوەشكردوە، ژمارەیەك لە بەرپرسانی نەتەوە یەكگرتوەكان سەبارەت بەو بابەتە نیگەرانی خۆیان دەربڕیوە، لەكاتێكدا پەتای كۆرۆناش لە تەشەنەسەندندایە و ئەوە دەبێتە هۆی تێكدانی ئاسایشی خۆراك لە ناوچەكەدا.

بەگوێرەی هەواڵەكەی سكای نیوز، دوای چەند رۆژێك لە بانگكردنی هێزەكانی ئەمریكا لەلایەن سوریاوە، ئەو هێزانە پانتاییەكی بەرفراوانی كێڵگەكانی گەنمیان لەو ناوچەیە سوتاندوە و دواتریش دەركەوتوە بە فەرمانی دۆناڵد ترەمپ، سەرۆكی ویلایەتە یەكگرتوەكانی ئەمریكا ئەو كارە ئەنجامدراوە.

هاوكات بەشێك لە سەرچاوەی زانیارییەكان لەوبارەیەوە رایانگەیاندوە، تێكڕای پانتایی ئەو ناوچانەی 17ی ئایار بەو شێوەیە سوتێندراون، 300 هێكتاری تێپەڕاندوە و سەر بە ناوچەكانی حەلەب، رەققە و حەسەكە بون.

چەند رۆژێك لەمەوبەریش هەردو پارێزگای دەرعا و سوەیدا كە بە بەروبومی كشتوكاڵی دەوڵەمەندن، ئاگری هاوچەشنیان تێدا رویدا و دەیان هێكتار زەوی كشتوكاڵی گەنمی بەهۆیەوە بون بە خۆڵەمێش.

Leave a Reply

Your email address will not be published.

Time limit is exhausted. Please reload the CAPTCHA.