Home » هەواڵ » عێراق » “هەموو دانوستانە سیاسییەکان لەبارەی کاندیدکردنی فوئاد حوسێن شکستیان هێناوە”
فازڵ فەتلاوی پەڕلەمانتاری هاوپەیمانی فەتح

“هەموو دانوستانە سیاسییەکان لەبارەی کاندیدکردنی فوئاد حوسێن شکستیان هێناوە”

فازڵ فەتلاوی پەڕلەمانتاری هاوپەیمانی فەتح رایگەیاندووە کە کۆدەنگییەکی سیاسیی لەلای کوتلە سیاسییەکان درووست بووە بۆئەوەی ڕێگە نەدرێت پۆستی وەزارەتی دەرەوە لەکابینەکەی کازمی لەلایەن فوئاد حوسێن وەربگیرێت  .

فەتلاوی لەلێدوانێکدا گوتویەتی ” هەموو دانوستانە سیاسییەکان لەگەڵ لایەنی کوردی لەبارەی کاندیدکردنی فوئاد حوسێن شکستیان هێناوە “.

لەبەشێکی تری قسەکانیدا فەتلاوی گوتویەتی ” دووبارە کاندیدکردنەوەی فوئاد حوسێن کار دەکاتە سەر ڕێکەوتنە سیاسییەکان ، ئەوە سەرباری ئەوەی تێپەڕاندنی ئەو وەزارەتانەی ماون دوادەخات “، هەروەک روونی کردۆتەوە کە پەڕلەمانتاران هاوڕان لەسەر ئەوەی لەکاتی متمانەدان بەو وەزیرانەی ماون رێگری لە تێپەڕاندنی فوئاد حوسێن بکەن .

هەرلەوچوارچێوەیەدا مەیادە نەججار پەڕلەمانتاری پارتی دیموکراتی کوردستان لە ئەنجوومەنی نوێنەرانی عێراق جەختی کردۆتەوە تا ئەمساتە فوئاد حوسێن کاندیدی پارتەکەیانە بۆ وەرگرتنی پۆستی وەزارەتی دەرەوە .

بەقسەی نەججار تاکە کاندیدی پارتی هەر فوئاد حوسێنە و هیچ جێگرەوەیەک بۆ جێگاکەی ئەو لەئارادا نییە .

پەڕلەمانتارەکەی پارتی دەڵێت قسەکردن لەبارەی بوونی ناکۆکی لەناو پارتەکەیان لەسەر ناوی پاڵێوراوەکان بەهیچ جۆرێک راست نییە و گوتویەتی پارتەکەی ئەوان پارتێکی ناوەندییە و بڕیارەکانیان یەکن .

لەماوەی چەند رۆژی رابردوودا سەرچاوەیەکی پەرلەمانی لەناو کوتلە کوردییەکانی بەغدا باسی لەوە کرد کە پارتی بەرنامەی ئەوەی هەیە وەک هەوڵێک بۆ گێرانەوەی ئیعتیبار بۆ هۆشیار زێباری و وەک وەڵامدانەوەیەکیش بۆ خواستی لایەنە شیعییەکان ، ناوبراو لەجیاتی فوئاد حوسێن بۆ پۆستی وەزیری دەرەوە کاندید بکات .

Leave a Reply

Your email address will not be published.

Time limit is exhausted. Please reload the CAPTCHA.