Home » هەواڵ » عێراق » عێراق.. گۆڕانکاری لە چەند پۆستێکی حکومەتیدا ئەنجامدەدرێت

عێراق.. گۆڕانکاری لە چەند پۆستێکی حکومەتیدا ئەنجامدەدرێت

سەرچاوەیەک بە میدیا عێراقییەکانی راگەیاند، لە درێژەی ئەو چاکسازییانەی کە سەرۆک وەزیرانی عێراق ئەنجامی دەدات، گۆڕانکاری لە چەند پۆستێکی باڵادا کرا.

سەرچاوەیەکی باوەڕپێکراو بە میدیا عێراقییەکانی راگەیاند، مستەفا کازمی سەرۆک وەزیرانی عێراق، لە درێژەی چاکسازییەکانیدا چەند بڕیارێکی لەبارەی پۆستە باڵاکانەوە دەرکرد و گۆڕانکاری لە چەند پۆستێکی حکومەتەکەیدا ئەنجامدا، دەشڵێت، “باسم سالم بە سەرۆکی وەقفی شیعە، محەمەد عبد ئەلسادە بە بەڕێوەبەری دەسەڵاتی فڕۆکەوانی شارستانی و عادل سەلمان بە بەڕێوەبەری دەستەی راگەیاندن و پەیوەندی دیاریکران.”

ئاماژە بەوەشکراوە، “ئەیادە مەحمود هادی بە بەڕێوەبەری دەستەی خانەنشینی و باسم عەلی بە بەڕێوەبەری بانکی رەشید دیاریکران.”

پێشتر، سەرۆک وەزیرانی عێراق رایگەیاندبوو، گۆڕانکاری لە پۆستە ئیدارییەکانی دەوڵەت دەکات و ئەگەر پارتە سیاسییەکان بەربەستی بۆ دروستبکەن، ئەوا دەستلەکاردەکێشێتەوە.

لەماوەی رابردوودا، مستەفا کازمی چەند چاکسازییەکی بە بڕینی دوو موچە و رێکخستنەوەی موچەی رەفحا ئەنجامدا و لە ئێستاشدا، دەیەوێت کەسانی شیاو لە پۆستە ئیدارییەکان دابنێت و ئەو کەسانەی، شیاو نین لە پۆستەکانیان دووریانبخاتەوە.

Leave a Reply

Your email address will not be published.

Time limit is exhausted. Please reload the CAPTCHA.