Home » هەواڵ » کوردستانی » شاندێکی فراکسیۆنی یەکێتی لەگەڵ پارێزگاری هەولێر کۆبونەتەوە
فراکسیۆنی یەکێتی و پارێزگاری هەولێر

شاندێکی فراکسیۆنی یەکێتی لەگەڵ پارێزگاری هەولێر کۆبونەتەوە

ئەمڕۆ سەرۆک و بەشێک لە پەرلەمانتارانی فراکسیۆنی یەکێتی لە پەرلەمانی عێراق سەردانی پارێزگاری هەولێریان کرد و پەیوەست بە رێکارەکانی بەرەنگاربونەوەی کۆرۆنا و هەوڵەکان بۆ پاراستنی گیان و تەندروستی هاوڵاتیان سوپاسی هەوڵەکانی بەرپرسانی هەولێر دەکەن، پارێزگاری هەولێریش رایگەیاند، بەهاوکاری هەمو لایەنەکان تەواوی هەوڵەکانیان بۆ پاراستنی تەندروستی هاوڵاتیان خستوەتەگەڕ و بەردەوامیش دەبن.

ئەمڕۆ یەکشەممە شاندێکی فراکسیۆنی یەکێتیی نیشتمانیی کوردستان لە ئەنجومەنی نوێنەرانی عێراق کە پێکهاتوە لە د.جوان ئیحسان سەرۆکی فراکسیۆن و بەشێک لە پەرلەمانتاران لەگەڵ فرسەت سۆفی پارێزگاری هەولێر لەدیوانی پارێزگا کۆبونەتەوە، بە گوێرەی راگەیەنراوی کۆبونەوەکە فراکسیۆنی یەکێتی سوپاسی گرتنەبەری رێکاری خۆپارێزی پێویستی لەلایەن ئیدارەی شارەکە کردوە و بەشێکی سەردانەکەش بۆ ئاگاداربون لە پلان و بەرنامەی کاری داهاتوی پارێزگای هەولێر تەرخانکراوە.

لای خۆیەوە پارێزگاری هەولێر باسی لە ڕەوشی تەندروستی شاری هەولێر کرد و تیشکی خستە سەر دواین پەرەسەندنەکانی ئەو بارودۆخە نەخوازراوەی بەهۆی ڤایرۆسی کۆرۆنا دوچاری هاتون، پاشان ئاماژەی بە تەواوی ئەو ڕێکار و بڕیارانەدا کە ژوری ئۆپەراسیۆنی پارێزگای هەولێر لە پێناو بەرگرتن و خۆپارێزی لە کۆرۆنا و پاراستنی تەندروستی هاوڵاتییان گرتویەتیەبەر.

پارێزگاری هەولێر باسی لەوەکردوە،”دڵنییای دەدەینە هەمو لایەک وەک پارێزگاری هەولێر و ئیدارەی شار، بەبێ جیاوازیکردن لەنێوان لایەنەکان، خۆمان بە پارێزگاری هەمو لایەک دەزانین و هەمو هەوڵ و توانای خۆشمان بۆ خزمەتکردنی هاوڵاتییانی شارەکەمان و پاراستنی گیانی هاوڵاتییانی خستۆتەگەڕ، ئەوەی لەتواناشماندا هەبێ لە خزمەتکردن درێغی لێ ناکەین”.

Leave a Reply

Your email address will not be published.

Time limit is exhausted. Please reload the CAPTCHA.