Home » هەواڵ » جێهان » ڤیدیۆ؛ ساتی شكاندنی پەیكەری كریستۆڤەر كۆڵۆمبۆس لە ئەمریكا
پەیكەری كریستۆڤەر كۆڵۆمبۆس

ڤیدیۆ؛ ساتی شكاندنی پەیكەری كریستۆڤەر كۆڵۆمبۆس لە ئەمریكا

رۆژێك دوای جەژنی نیشتیمانیی سەربەخۆیی ئەمریكا، خۆپیشاندەرانی ئەو وڵاتە لە شاری باڵتیمۆر پەیكەری كرۆیستۆڤەر كۆڵۆمبۆس، گەڕیدەی بەڕەگەز ئیتاڵییان لە شوێنەكەی خۆی لابرد و فڕێیاندایە نێو بەندەرێكەوە.

بەرەبەیانی ئەمڕۆ یەكشەممە بەكاتی ویلایەتە یەكگرتوەكانی ئەمریكا و بە دیاریكراوی ویلایەتی مێریڵاند رویداوە، بەگوێرەی ئەو گرتە ڤیدیۆییانەی ساتی لابردنی پەیكەرەكەیان تۆماركردوە.

لە تۆڕی كۆمەڵایەتی تویتەر هاوڵاتیان هاوپێچ لەگەڵ گرتە ڤیدیۆییەكەدا بڵاویانكردوەتەوە، نزیكەی 300 كەس كۆبونەتەوە لە چواردەورەی پەیكەرەكە، بەمەبەستی لابردنی لە شوێنە جێگیرەكەی خۆی لە شاری بالتیمۆر.

یەكێك لە شایەتحاڵان بە تۆڕی هەواڵیی سی ئێن ئێن-ی ئەمریكی راگەیاندوە، دوای ئەوەی پەیكەرەكە جوڵێندراوە، كەوتوە و تێكشكاوە، دواتر خۆپیشاندەران رایانكێشاوە و فڕێیانداوەتە ناو بەندەرەكەوە.

تەمەنی ئەو پەیكەرەی كۆڵۆمبۆس لە باڵتیمۆر 30 ساڵە، تێكشكاندنیشی دوای لابردن و تێكشكاندنی چەندین پەیكەری دیكەی كۆڵۆمبۆس و كەسایەتییەكانی دیكەی نێو مێژوی ئەمریكا دێت، كە هێما و نمونەی رەگەز و نەژادپەرستی و چینایەتین.

براندن سكۆت، سەرۆكی ئەنجومەنی شاری باڵتیمۆر لەمیانی لێدوانێكیدا وتی “بەهۆی دۆخی ئەمدواییەی وڵاتەوە، پێشتر چەندینجار پێشنیاری لابردنی پەیكەرەكەمان كردوە”.

Leave a Reply

Your email address will not be published.

Time limit is exhausted. Please reload the CAPTCHA.