Home » هەواڵ » ڕۆژهەڵاتی ناوەڕاست » جینین پلاسخارت: ستایشی خۆڕاگریی ئێزدییەکان دەکەین
جینین پلاسخارت

جینین پلاسخارت: ستایشی خۆڕاگریی ئێزدییەکان دەکەین

نوێنەری تایبەتیی سکرتێری گشتیی نەتەوە یەکگرتوەکان لە عێراق رایگەیاند، ئەمڕۆ 3ی ئاب و لە ساڵیادی ئەنجامدانی تاوانی دڕندانە دژی ئێزدییەکاندا، سڵاو بۆ خۆڕاگریی ئەو کۆمەڵگایە دەنێرێن و داواش لە هەرێمی کوردستان و حکومەتی عێراق دەکەن بۆ هاوکاریی ئێزدییەکان و دوبارە ئاوەدانکردنەوەی ناوچەکانیان بگەنە رێککەوتن.

جینین پلاسخارت، نوێنەری تایبەتیی سکرتێری گشتیی نەتەوە یەکگرتوەکان لە عێراق بۆ یادی شەش ساڵەی کۆمەڵکوژی ئێزدییەکان  لە راگەیەنراوێکدا رایگەیاند، ستایشی خۆڕاگریی ئێزدییەکان  دەکەن لە پاراستنی کەلتور و خاکیان، کە سەرەڕای بەربەستە سەختەکانیش مکوڕبون لەسەر مافەکانی خۆیان. لەو پێناوەشدا داوا لە بەغدا و هەولێر دەکەن هەرچی زوە بگەنە رێککەوتن بۆ رەخساندنی کەشێکی لەبار و ئارام بۆ ئەوەی ئەم خەڵکە گیر خواردوە بتوانن سەرلەنوێ ژیانیان بنیات بنێنەوە.

ئاماژەی بەوەشکردوە، “دڵخۆشم بە بڕیاری شێلگیرانەی ئێزدییەکان بۆ گەڕان بەدوای ئازادی و دادپەروەری بۆ کۆمەڵگاکەیان، هەرچەندە کۆژانەکانیان کۆتایی نەهاتوە و ئازاری شنگالیش بەهۆی نەبونی سەقامگیریی و خزمەتی پێویست و ئیدارەیەکی یەکگرتوەوە هەر درێژەی دەبێت، ئێمە دەپرسین ئەرێ بۆ دەبێ ئەوانە هەر باج بدەن ؟”.

لە راگەیەنراوەکەدا هاتوە، وێڕای دوپاتکردنەوەی داواکردن لە هەردو حکومەتی بەغدا و هەولێر بۆ پەلەکردن لەچارەسەرکردنی ئەم بارودۆخە و گەیشتن بە رێککەوتن،”ئێمە باش دەزانین کە دەکرێت چارەسەری درێژخایەن بدۆزرێتەوە، لەلایەکی ترەوە، فەرمانڕەواییەکی سەقامگیر و دابینکردنی ئارامی پاڵنەری سەرەکیی ئەم کۆمەڵگایەن بۆ گەشەکردن و بنیاتنانەوە، ئێمە قەرزاری قوربانیان و ڕزگاربوان و هەستی هاوبەشی مرۆیانەین”.

Leave a Reply

Your email address will not be published.

Time limit is exhausted. Please reload the CAPTCHA.