Home » ئابوری » ” دۆخی دارایی عێراق بە هیچ شێوەیەك بەرگەی هیچ زیادكردنێكی مووچەی فەرمانبەران ناگرێت”
شیروان میرزا ئەندامی لیژنەی دارایی لەئەنجومەنی نوێنەران

” دۆخی دارایی عێراق بە هیچ شێوەیەك بەرگەی هیچ زیادكردنێكی مووچەی فەرمانبەران ناگرێت”

پەرلەمانتارێکی کورد، شیروان میرزا رایگەیاند “چاوەڕێی وەزارەتی دارایی حكوومەتی فیدراڵی دەکەین تا لیستی ڕیزبەندی نوێی مووچەخۆرانی وڵاتەكەیان بۆ بنێرێ و لە پەرلەمان بڕیاری لەسەر بدەن”.

لە لێدوانێکی رۆژنامەوانیدا،  شێروان میرزا ئەندامی لیژنەی دارایی پەرلەمان، بە میدیا عێراقییەکانی راگەیاندووە ” دۆخی دارایی عێراق بە هیچ شێوەیەك نە بۆ ئەمساڵ و نە بۆ ساڵی داهاتووش، بەرگەی هیچ زیادكردنێكی مووچەی فەرمانبەران ناگرێت.”

ئەو لە درێژەی لێدوانەکەیدا وتیشی ” چاوەڕێی حكوومەتە ڕیزبەندی مووچەی نوێیان بۆ بنێرێت، تا گفتوگۆی لەسەر بكەن و دواتر بیخەنە دەنگدانەوە”.

پەرلەمانتارەکەی عێراق جەخت لەسەر ئەوە دەکاتەوە، بەهیچ شێوەیەك زیادكردنی مووچە نابێت، چونكە دارایی وڵاتەكە بەرگە ناگرێت و دۆخی ئابووریی عێراق لەوپەڕی خراپیدایە.

Leave a Reply

Your email address will not be published.

Time limit is exhausted. Please reload the CAPTCHA.