Home » هەواڵ » کوردستانی » سلێمانی؛ ژمارەیەك هەلی كار راگەیەندرا
هەلی كار

سلێمانی؛ ژمارەیەك هەلی كار راگەیەندرا

سەندیكای كارمەندانی تەندروستی داوا له‌ دەرچووانی پەرستاری ددان و پاراستنی ددان ده‌كات،  سەردانی سەندیكای پزیشكانی ددان بكەن بەمەبەستی ڕەخساندنی هەلی كار بۆیان.

له‌راگه‌یه‌نراوێكدا، سەندیكای كارمەندانی تەندروستی كوردستان لقی سلێمانی، ئاماژەی بەوەكردووە “بۆ سەرجەم دەرچووانی (پەرستاری ددان، پاراستنی ددان) ئەوانەی دانەمەزراون، ئاگادارتان دەكەین سەردانی سەندیكای پزیشكانی ددان لقی سلێمانی بكەن بەمەبەستی ڕەخساندنی هەلی كار لە نەخۆشخانە و سەنتەر و كلینیكیەكانی تایبەت بە ددان”.هه‌روه‌ها ئه‌وه‌شی خستووه‌ته‌ڕوو “بۆ خۆتۆماركردن سەردانی لقی سلێمانی سەندیكای پزیشكانی ددان بكەن لە شەقامی پیرەمێرد، تەنیشت نەخۆشخانەی پیرەمێردی ددان”.

ئه‌وه‌ له‌كاتێكدایه‌ كه‌ ماوەی چەند ساڵێكە لە هەرێمی كوردستان بە بیانووی قەیرانی داراییەوە هیچ دامەزراندنێك لە كەرتی گشتی ئەنجام نه‌دراوه‌.

Leave a Reply

Your email address will not be published.

Time limit is exhausted. Please reload the CAPTCHA.