Home » هەواڵ » جێهان » ناتۆ لەبارەى کەیسى بیلاروسەوە داوایەکی ئاراستەی روسیادەکات
ناتۆ

ناتۆ لەبارەى کەیسى بیلاروسەوە داوایەکی ئاراستەی روسیادەکات

ئەمرۆ پێنجشەممە، سکرتێری گشتی پەیمانی ئەتلەسی باکور(ناتۆ) داوای لە روسیا کرد دەست لە کاروباری بیلاروسیا وەرنەدا.

یانس ستوڵتنبێرگ، سکرتێری گشتی ناتۆ لە چاوپێکەوتنێکیدا لەگەڵ رۆژنامەی بیڵدی ئەڵمانی وتی” بیلاروس دەوڵەتێکی سەربەخۆ و خاوەن سەروەریە و نابێت هیچ لایەنێک بە روسیاشەوە دەستوەردان لەکاروباریدا بکات”.

ئەو وتانەی ستوڵتنبێرگ لە کاتێکدایە، کە وەزارەتی دەرەوەی روسیا هۆشداریدایە ئەمەریکا و یەکێتی ئەوروپا لە هەر جۆرە دەستتێوەردانێک لە کاروباری ناوخۆی بیلاڕوس، لەوانەش بانگەشەی گشتی بۆ خۆپیشاندانی دژە حکومەت نەکەن.

ڤلادیمیر پۆتین سەرۆکی روسیا لە دیمانەیەکیدا لەگەڵ تەلەفزیۆنی 24ی روسیا داوای لە هەمو پارتەکانی بیلاروس کرد، چارەسەرێک بۆ قەیرانەکە بدۆزنەوە وتی ” ئێمە دڵنیاین کە هەمو بەشداربوانی ئەو پرۆسەیە، دەتوانن بە یەکگرتویی، چارەسەرێک بۆ قەیرانەکان بدۆزنەو.

پێشتریش سێرگی لاڤرۆڤ، وەزیری دەرەوەی روسیا رایگەیاندبو کە خودی گەلی بیلاروس بڕیاردەدات لەوەی چۆن و بە چی میکانیزمێک لە قەیرانە ناوخۆییەکان بچنەوە دەرەوە، پێویستیان بە دەستوەردانی دەرەکی نیە.

9ی ئەم مانگە، لە هەڵبژاردنە سەرۆکایەتییەکەی بێلاروس سەرکەوتنی لوکاشینکۆ بۆ جاری شەشەم راگەیەنرا، ژمارەیەکی زۆر لە خەڵک و لایەنگرانی ئۆپۆزسیۆن رژانە سەر شەقامەکان و ئەنجامەکانی ئەو هەڵبژاردنەیان بە ساختە و نادادپەروەری لە قەڵەمدا، لەوکاتەوە تا ئێستا پێکدانەکانی نێوان خۆپیشاندەران و هێزەکانی پۆلیسی ئەو وڵاتە بەردەوامی هەیە.

Leave a Reply

Your email address will not be published.

Time limit is exhausted. Please reload the CAPTCHA.