Home » هەواڵ » کوردستانی » هەولێر.. ژمارەیەكی زۆر سواڵكەر دەستگیر كران
سواڵكەر

هەولێر.. ژمارەیەكی زۆر سواڵكەر دەستگیر كران

بەڕێوەبەرایەتی پۆلیسی هەولێر ئەمڕۆ هەینی رایگەیاند، هەڵمەتی دوەمی دەستگیرکردنی سواڵكەرەكان دەستی پێکرد.

لە راگەیەندراوێكدا بەڕێوەبەرایەتی پۆلیسی هەولێر ئەمڕۆ هەینی رایگەیاند،”لەسەر فەرمانی بەڕێوەبەری پۆلیسی پارێزگای هەولێر، بەشی پۆلیسی رێككاری، لەسەر شەقام و شوێنە گشتییەكان و ناوبازاڕ و ترافیكلایتەكان، هەڵمەتی دوەمیان دەستپێكرد و ژمارەیەكی زۆر سواڵكەریان دەستگیر كرد”

راشیگەیاند، ئەو سواڵكەرانە لەو شوێنانە داوای پارە و خێریان لە خەڵک دەكرد و ببونە مایەی بێزاری بۆ هاوڵاتیان.

پۆلیسی هەولێر دوپاتیكردوەتەوە، دیاردەی سواڵكردن، دیاردەیەكی ناشیرینە و سیمای شار دەگۆڕێت، بۆیە پێویستە بنبڕبكرێت، بۆ ئەو مەبەستەش هەڵمەتەكە لە سەرجەم شوێن و شەقامەكانی ناوشار و دەرەوەی شاریش بەردەوام دەبێت. لەئێستاشدا هەمو سواڵكەرەكان بەپێی ماددە (390) لە یاسای سزادان، لە زینداندا ڕاگیراون.

Leave a Reply

Your email address will not be published.

Time limit is exhausted. Please reload the CAPTCHA.