Home » هەواڵ » جێهان » ژمارەی رۆژانەی توشبون بە ڤایرۆسی کۆرۆنا لەم هەفتەیەدا بەرزبوەتەوە
ڤایرۆسی کۆرۆنا

ژمارەی رۆژانەی توشبون بە ڤایرۆسی کۆرۆنا لەم هەفتەیەدا بەرزبوەتەوە

بەگوێرەی ئامارە جیهانییەکان ژمارەی رۆژانەی توشبون بە ڤایرۆسی کۆرۆنا لەم هەفتەیەدا بەرزبوەتەوە، هەروەها تێکڕای توشبوانی پەتاکەش لە جیهاندا گەیشتە زیاتر 19 ملیۆن و 546 هەزار کەس.

بەگوێرەی ئامارە جیهانییەکان، تێکڕای توشبوانی کۆرۆنا تا کاتژمێر 8:30 خولەکی بەرەبەیانی ئەمڕۆ شەممە گەیشتوەتە 19 ملیۆن و 546 هەزار و 748 کەس، لەو ژمارەیەش 12 ملیۆن و 547 هەزار و 767 توشبو چاکبونەتەوە و 724 هەزار و 123 توشبوش گیانیانلەدەستداوە.

لەسەر ئاستی وڵاتانی جیهان، ویلایەتە یەكگرتوەكانی ئەمریكا لە پلەی یەكەم دێت، كە تیایدا 5 ملیۆن و 95 هەزار و 524 كەس توشی كۆرۆنا بون، لەو ژمارەیەش 164  هەزار و 94 کەس گیانیانلەدەستداوە و 2 ملیۆن و 616 هەزار و 967 کەسیش چاکبونەتەوە.

لەسەر ئاستی وڵاتانی ئەوروپاش ئیسپانیا بە پلەی یەکەم دێت لە روی بەرزی ژمارەی توشبوان و تا ئێستا 361 هەزار و 442 توشبو لە وڵاتەدا تۆمارکراون، لەسەر ئاستی وڵاتانی رۆژهەڵاتی ناوەڕاستیش تورکیا بە تۆمارکردنی 322 هەزار و 567 توشبوی کۆرۆنا زۆرترین کاریگەریی ئەو پەتایەی تیادا دەرکەوتوە.

Leave a Reply

Your email address will not be published.

Time limit is exhausted. Please reload the CAPTCHA.