Home » گالەری » ڤیدیۆ » ‌ڤیدیۆ.. بایرن میونشن به‌ ئه‌نجامێكی‌ گه‌وره‌ له‌ به‌رشه‌لۆنه‌ی‌ برده‌وه‌
بایرن میونشن -‌ ‌ به‌رشه‌لۆنه

‌ڤیدیۆ.. بایرن میونشن به‌ ئه‌نجامێكی‌ گه‌وره‌ له‌ به‌رشه‌لۆنه‌ی‌ برده‌وه‌

لە میانەی یارییەكانی قۆتاغی چارەكی كۆتایی خولی یانە پاڵەوانەكانی ئەوروپا، هەردو یانەی بایرن میونشنی ئەڵمانی و یانەی بەرشەلۆنەی ئیسپانی لە شاری لشبۆنەی پورتوگال ڕوبەڕوی یەكتربونەوە و کوڕانی ئەڵمانیا گۆڵبارانی یانەی کەتەلۆنیایان کرد.

لە نیوەی یەكەمی یارییەكەدا و لەگەڵ فیكەی ناوبژیوانی یارییەكە، یاریزانانی یانە ئەڵمانیەكە بە هێرشبردن دەستیانپێكرد و لە خولەكی 4ی یارییەكەدا تۆماس مۆلەر گۆڵی پێشكەوتنی بۆ بایرن تۆماركرد، وەڵامی بەرشەلۆنە خێرا بو بۆ ئەم گۆڵە و لە خولەكی 7 بەهۆی فشارەكانی یاریزانانی بلوگراناوە دەیڤد ئالابا بە هەڵە گۆڵێكی لە خۆیان تۆماركرد و ئەنجامی یارییەكەی یەكسانكردەوە، بەڵام دوای ئەم گۆڵە یاریزانانی یانە ئەڵمانیەكە سێ گۆڵی لەسەر یەكیان تۆماركرد، گۆڵەكانیش “پیریسیچ و گنابری و مۆلەر” تۆماریانكرد و نیوەی یەكەمی یارییەكە بە ئەنجامی 4-1 گۆڵ لە بەرژەوەندی بایرن كۆتایهات، كە ئەمە جاری یەكەمە یانەی بەرشەلۆنە لە مێژوی یارییەكانی چامپیۆنس لیگ لە نیوەی یەكەمدا چوار گۆڵی لێ تۆماربكرێت.

لەنیوەی دوەمی یارییەكەدا یاریزانانی یانەی بەرشەلۆنە هەوڵی یەكسانكردنەوەی ئەنجامەكەیان دەدا و لە خولەكی 57ی یارییەكەدا سوارێز گۆڵی دوەمی بۆ یانەی بەرشەلۆنە تۆماركرد، بەڵام لە خولەكی 63 كیمیچ گۆڵی پێنجەمی بۆ یانە باڤارییەكە تۆماركرد و بە تەواوی یاریزانانی یانەی بەرشەلۆنەی بێهیواكرد، دواتر لیڤاندۆڤیسكی گۆڵی شەشەمی بۆ یانەی بایرن تۆماركرد، دواتر لە خولەكەكانی 85 و 89ی یارییەكەدا كۆتینهۆ دو گۆڵی دیكەی بۆ بایرن تۆماركرد.

سەرئەنجام یارییەكە لە بەرژەوەندی یانەی بایرن میونشن كۆتایهات و بە ئەنجامی 8-2 گۆڵ سەركەوتنی بەسەر یانەی بەرشەلۆنە تۆماركرد و خۆی گەیاندە قۆناغی نیوەی كۆتایی پاڵەوانێتیەكە و لەو یارییەشدا بەرامبەر براوەی یارییەكەی مانچستەر سیتی و لیۆن یاری دەكات.

https://player.vidmela.com/player/html/P4LMkJHNUy2hd?popup=fromblocked&autoplay=1

 

Leave a Reply

Your email address will not be published.

Time limit is exhausted. Please reload the CAPTCHA.