Home » هەواڵ » عێراق » داعش لە پارێزگاکانی کەرکووک و دیالە هێرشدەکاتە سەر حەشدی شەعبی
دوو چەکداری داعش

داعش لە پارێزگاکانی کەرکووک و دیالە هێرشدەکاتە سەر حەشدی شەعبی

لە پارێزگاکانی کەرکووک و دیالە چەکدارانی داعش هێرش دەکەنە سەر هێزەکانی حەشدی شەعبی و کوژراو و برینداری لێکەوتووەتەوە.

 بەپێی راگەیێندراوێکی حەشدی شەعبی، شەوی چوارشەممە لەسەر پێنجشەممە لیوای 16ی حەشدی شەعبی بەرپەرچی هێرشێکی چەکدارانی داعشیان داوەتەوە لە گوندی سامی عاسی لە باشووری رۆژئاوای کەرکووک.

بەپێی راگەیێندراوەکە لە شەڕەدا “چەکدارێکی داعش کوژراوە و  دووی دیکە برینداربوون”.

هاوکات لە ناحیەی عوزێم لە سنووری پارێزگای دیالە داعش هێرشیکردووەتەوە سەر لیوای 23ی حەشدی شەعبی بەهۆیەوە چەکدارێکی حەشد بەناوی محەممەد خزەیر عەلی کوژراوە .

بەپێی لێدوانی بەرپرسانی ئەمنی و بە پشتبەستن بە سەرچاوە هەواڵگرییەکانیان، رێکخراوی داعش دووبارە لە عێراق خۆی رێکخستووەتەوە و لە پارێزگاکانی سەڵاحەددین، ئەنبار و کەرکووک چالاکی دەکات. وڵاتانی جیهانیش هۆشداریی دەدەن لە زیندووبوونەوەی داعش و دەڵێن مەترسی داعش لە ناوچەکە هێشتا کۆتایی نەهاتووە.

رێکخراوی داعش لە راگەیێندراوێکدا بڵاویکردەوە، لەسەر رێگەی هەولێر- کەرکووک هێرشیانکردووەتە سەر پۆلیسی پاراستنی دامەزراوە نەوتییەکان و بەهۆی 9 پۆلیس کوژران و برینداربوون.

رێکخراوی داعش لە هەژمارەی خۆیدا بڵاویکردەوە، هێزەکانیان لە ویلایەتی کەرکووک لەسەر رێگەی نێوان هەولێر – کەرکووک پەلاماری خاڵێکی پۆلیسی پاراستنی دامەزراوە نەوتییەکانیان داوە و بەهۆیەوە پۆلیسێک کوژرا و سێ پۆلیس برینداربوون.

وەک لە راگەیێندراوەکەی داعش دا هاتووە، دواتر هێزێکی دیکە کە بۆ پشتوانی چوونەتە شوێنی هێرشەکە، بۆمبێكی چێنراویان پێدا تەقیەوەتەوە و بەهۆیەوە 5 دیکەیان برینداربوونە و ئۆتۆمبێلێکان تێکشاوە.

Leave a Reply

Your email address will not be published.

Time limit is exhausted. Please reload the CAPTCHA.