Home » هەواڵ » کوردستانی » سبەینێ‌ لە هەولێر خۆپیشاندان ئەنجام دەدرێت
پارێزگای هەولێر

سبەینێ‌ لە هەولێر خۆپیشاندان ئەنجام دەدرێت

بڕیارە خاوەن زەویەكانی ٨ی حەسارۆك سبەینێ‌ چوار شەممە خۆپیشاندان و گردبوونەوە ئەنجام بدەن بۆ داواكردنی گەیاندنی خزمەتگوزاری بەگەڕەكەكەیان، جێگری پارێزگاری هەولێر ڕایدەگەیەنێت، لەهەوڵی بەردەوامداین بۆ چارەسەركردنی كێشەكانی ئەو گەڕەكە و لیژنەیەكیشیان پێكهێناوە.

مەسعود كاڕەش، جێگری پارێزگاری هەولێر لەبارەی چارەنووسی گەڕەكی ٨ی حەسارۆك بەڕۆژنامەنوسانی ڕاگەیاند، هەشتی حەسارۆك شوێنێكی گەورەیە و خزمەتگوازریش تەنها ئاو نیە، بەڵكو پێویستی بە كارەبا و ئاوەڕۆ و قیرتاوكردنە، ئێستاش لیژنەیەك پێكاتووە لەشارەزایانی ئاو لە مامۆستایانی زانكۆ، كەبتوانن چۆن چارەسەری بكەین.

دەشڵێت: “ئەو گەڕەكە ئیهمال نەكراوە، بەڵكو لەهەوڵداین لەسەر چۆنیەتی چارەسەركردنی، چونكە گەر مۆڵەتی خانوو بدرێ پێویستی بەخزمەتگوزاری جۆراوجۆر دەبێت، بۆیە دوای ڕاپۆرتی لیژنەكە ئەو مووژدەیە دەدەین بەخەڵك بۆ پێشكەشكردنی خزمەتگوزاری لە هەشتی حەسارۆك و سەرجەم شوێنەكانی تریش”.

زەویەكانی گەڕەكی ٨ی حەسارۆك نزیكەی ١٦ هەزار پارچە زەوی دەبێت و ماوەی ١٧ ساڵە خاوەنەكانیان چاوەڕوانن خزمەتگوزاریان بۆ بچێت و بیكەن بەخانوو.

Leave a Reply

Your email address will not be published.

Time limit is exhausted. Please reload the CAPTCHA.