Home » هەواڵ » عێراق » شه‌پۆڵێكی خۆڵبارین عێراق داده‌پۆشێت
خۆڵبارین

شه‌پۆڵێكی خۆڵبارین عێراق داده‌پۆشێت

شارەزایەکی کەشناسی عێراق رایگەیاند، پێشبینی دەکرێت لەئەمڕۆ یەکشەممەوە شەپۆلێکی بەهێزی خۆڵبارین پێنج پارێزگای وڵات بگرێتەوە.

سادق عەتییە، شارەزای کەشناسی عێراق لە راگەینراوێکدا بڵاویکردەوە، پێشبینی دەکرێت شەپۆلێکی خۆڵبارین پارێزگاکانی واست، زیقار، بەسڕە، میسان و موسەنا بگرێتەوە و لە ئەمڕۆ یەکشەممەوە بەهۆی کاریگەری خێرایی با چالاکی شەپۆلەکە خێراتربێت.

ئاماژەی بەوەشکردوە، لەو ماوەیەدا خێرایی با دەگاتە (60-70) کیلۆمەتر لەکاتژمێرێکدا و کاریگەری شەپۆلەکەش پێشبینی دەکرێت تا ئێوارەی رۆژی دوشەممە بەردەوام بێت.

15ی ئەم مانگەش کەشناسی عێراق لە راگەیەنراوێکدا بڵاویکردەوە، پێشبینی دەکرێت کۆتایی هەفتەی داهاتو پلەکانی گەرما 5 پلەی سیلیزی دابەزین تۆمار بکەن و شەپۆلی نزمبونەوەی پلەکانی گەرماش عێراق، باکوری ئێران و تورکیا دەگرێتەوە.

Leave a Reply

Your email address will not be published.

Time limit is exhausted. Please reload the CAPTCHA.