Home » هەواڵ » عێراق » مەسرور بارزانی: گەشبینین کە دەتوانین لەگەڵ حکومەتی فیدڕاڵ بگەینە رێککەوتن
مەسرور بارزانی

مەسرور بارزانی: گەشبینین کە دەتوانین لەگەڵ حکومەتی فیدڕاڵ بگەینە رێککەوتن

سەرۆکی حکومەتی هەرێمی کوردستان رایگەیاند، سەرەڕای ئەوەی ئاستەنگی زۆر لەبەردەم رێککەوتنی نێوان هەولێر و بەغدا بوونیان هەیە، بەڵام “گەشبینین کە دەتوانین لەگەڵ حکومەتی فیدڕاڵ بگەینە رێککەوتن”.

مەسرور بارزانی، سەرۆکی حکومەتی هەرێمی کوردستان لەبارەی رێککەوتنی نێوان هەرێم و  بەغدا لە پەرەی فەرمی خۆی لە تویتەر نوسیویەتی، “گەشبینم بەوەی کە دەتوانین لەگەڵ حکومەتی فیدراڵیی عێراق بگەینە رێککەوتنی کۆتایی”.

باسی لەوەشکردوە، “هەرچەندە بەربەستی زۆر هەن، بەڵام تیمێکی دانوستاندنی بەهێزمان هەیە و لە مەبەستەکەیاندا یەکگرتوون”.

10ی ئەیلول مستەفا کازمی، سەرۆک وەزیرانی عێراق سەردانی هەرێمی کوردستانی کرد و لە هەولێر لەگەڵ بەرپرسانی حکومەتی هەرێم لەبارەی کێشە هەڵپەسێردراوەکان و پرسی خاڵە سنورییەکان گفتوگۆیان کرد.

هاوکات نیوەڕۆی 11ی ئەیلول سەرۆک وەزیرانی عێراق لە سلێمانی لەگەڵ بەرپرسی یەكەمی حزبە سیاسییەكانی هەرێمی كوردستان کۆبوەوە و نوسینگەی کازمیش لەبارەی دیدارەکە رایگەیاند، لەو دیدارەدا پرسی چارەسەرکردنی کێشەکانی نێوان هەرێم و عێراق، هەڵبژاردنی پێشوەخت و سود وەرگرتن لە دەرفەتەکانیان تاوتوێکردوە.

Leave a Reply

Your email address will not be published.

Time limit is exhausted. Please reload the CAPTCHA.