Home » ئابوری » باج لەسەر موچەی فەرمانبەران دادەنرێت
پارە

باج لەسەر موچەی فەرمانبەران دادەنرێت

ئەحمەد حاجی رەشید ئەندامی لیژنەی دارایی پەرلەمانی عیراق تەئكیددەكاتەوە، دەنگۆی ئەوە هەیە حكومەت باج بخاتە سەر موچەی فەرمانبەرانی دەوڵەت، بەڵام بەبێ‌ بونی یاسایەك لە حكومەتەوە ناكرێت ئەو كارە بكرێت.

ئەحمەد حاجی رەشید بە رۆژنامەی “سەباح”ی نیمچە فەرمی وتوە، دەنگۆ هەیە لەسەر ئەوەی حكومەت نیازی هەیە لە مانگی تشرینی یەكەمەوە یاسای باج بەسەر موچەی فەرمانبەراندا جێبەجێ بكات.

رونیشیكردوەتەوە، وەزارەتی دارایی بە رێژەی 3% تا 15% باج دەخاتەسەر موچەی بنەڕەتیی فەرمانبەران، بەڵام ئەو بابەتە ناكرێت جێبەجێ بكرێت بەبێ‌ بونی یاسایەكی تایبەت لەلایەن حكومەتەوە.

لای خۆیشیەوە جەمال كۆچەر ئەندامی هەمان لیژنە رونیكردوەتەوە، ئەگەر رێنماییەكی لەو جۆرە هەبێت ئەوا دەتوانرێت بخرێتە ناو پرۆژەیاسای بودجەی ساڵی داهاتوەوە، ئەو بابەتەش وەك قسەیەك لەناو فەرمانبەراندا دەكرێت و ناتوانرێت جێبەجێ بكرێت.

Leave a Reply

Your email address will not be published.

Time limit is exhausted. Please reload the CAPTCHA.