Home » هەواڵ » جێهان » بەهۆی شەڕەكانی ئەم دواییەی هەرێمی قەرەباغ، 130 هەزار هاوڵاتی ئاوارەبون
ئاوارە

بەهۆی شەڕەكانی ئەم دواییەی هەرێمی قەرەباغ، 130 هەزار هاوڵاتی ئاوارەبون

رێكخراوی یونسێفی سەر بە نەتەوە یەكگرتوەكان رایگەیاند، بەهۆی شەڕەكانی ئەم دواییەی هەرێمی قەرەباغ، لانی كەم 130 هەزار هاوڵاتی ئاوارەبون.

رێكخراوی یونسێف لە بەیاننامەیەكدا بڵاویكردەوە، بەهۆی شەڕو پێكدادانەكانی ئەم دواییەی نێوان ئەرمینیا و ئازەربایجان لە هەرێمی قەرەباغ، تاكو ئێستا زیاتر لە 130 هەزار كەس ئاوارەبون.

راشیگەیاندوە، بەهۆی هێرشەكانەوە 76 خوێندنگە، داينگەيەك و نەخۆشخانەيەكى لەدايكبونی منداڵان زيانيان بەركەوتوە، ئەمە جگە لە توشبونی ژمارەیەكی زۆر لە منداڵانی ناوچەكانی شەڕ بە نەخۆشی دەرونی بەهۆی هێرشە موشەكییەكانەوە.

هەرێمی قەرەباغ كە لە روی جوگرافییەوە لە چوارچێوەی خاكی ئازەربایجاندایە بەڵام زیاتر لە 95٪ی دانیشتوانەكەی ئەرمەنین، ناوچەیەكی جێناكۆكی نێوان ئەرمەنییەكان و ئازەرییەكانە، هەرێمەكە لەلایەن ئەرمینیاوە پشتیوانی دەكرێت و ئازەربایجانیش وەك ناوچەیەكی داگیركراو ناوی دەبات و داوا دەكات بخرێتەوە ژێر دەسەڵاتی وڵاتەكەی.

Leave a Reply

Your email address will not be published.

Time limit is exhausted. Please reload the CAPTCHA.