Home » هەواڵ » عێراق » تورکمانەکان دژ بە هەموو جۆرە ڕێککەوتنێکی نێوان حکوومەتی هەرێم و حکوومەتی فیدراڵن
تورکمانەکان

تورکمانەکان دژ بە هەموو جۆرە ڕێککەوتنێکی نێوان حکوومەتی هەرێم و حکوومەتی فیدراڵن

تورکمانەکان رایدەگەیەنن کە دژ بە هەموو جۆرە ڕێککەوتنێکی نێوان حکوومەتی هەرێمی کوردستان و حکوومەتی فیدراڵن لەبارەی ناوچە کێشە لەسەرەکان،  بۆئەوەش درووستکردنی ژووری هەماهەنگی نێوان سوپای عێراق و هێزەکانی پێشمەرگە رەتدەکەنەوە.

لەوبارەیەوە فەوزی ئەکرەم تەرزی،  سیاسەتمەداری تورکمانی لەلێدوانێکی رۆژنامەوانیدا رایگەیاندووە کە پێکهاتەی تورکمان نارازین بەرانبەر بەدرووستکردنی ژووری هەماهەنگی هاوبەشی نێوان سوپای عێراق و  هێزەکانی پێشمەرگە بۆ ناوچە کێشەلەسەرەکان، پێشیوایە ئەو جۆرە ڕێککەوتنانە لەسەر حیسابی پێکهاتەی تورکمانە لەو ناوچانە.

تەرزی بانگەشەی ئەوەی کردووە کە کەرکووک و ناوچە کێشەلەسەرەکان بەهۆی بوونی سوپا و پۆلیسی فیدراڵی و هێزەکانی حەشدی شەعبی ئاسایش و سەقامگیری تێدا بەرقەرارە و هیچ پێویستی بە بوونی هێزەکانی پێشمەرگە نییە.

ئەو سەرکردە تورکمانییە پێیوایە دەبێت هێزەکانی پێشمەرگە تەنیا لە سێ پارێزگاکەی هەرێمی کوردستاندا بێت ، لەبەرئەوەی هەر هەوڵێک بۆ گەراندنەوەی ئەو هێزانە بۆ کەرکوک بەواتای تێکدانی سەقامگیری کەرکوک و دووبارە ئەنجامدانەوەی تاوانە دژ بە پێکهاتەی تورکمان، جەختیشی کردۆتەوە کە دەبێت ئەو ژووری هەماهەنگییەی درووست دەکرێت کەرکووکی تێدا نەبێت، چونکە ئەوە سەرەتای گەڕانەوەی دەسەلاتی کوردە بۆ شارەکە.

Leave a Reply

Your email address will not be published.

Time limit is exhausted. Please reload the CAPTCHA.