Home » هەواڵ » عێراق » تەقینەوەیەك لە فەللوجە ڕویدا
تەقینەوەیەك لە فەللوجە

تەقینەوەیەك لە فەللوجە ڕویدا

سەرچاوەیەكی ئەمنی سروشتی تەقینەوەكەی ئەمڕۆی شاری فەللوجە ئاشكرادەكات و ئاماژەی بە برینداربوونی پێنج كەس دەكات.

سەرچاوەیەكی ئەمنی بە میدیاكانی عیراقی ڕاگەیاند”تەقینەوەكەی فەللوجە، لەڕێی ماتۆڕسكیلەوە بوو لەبەردەم كافتریای شام كە هێزێكی پۆلیسی كردە ئامانج، بەو هۆیەشەوە پێنج پۆلیس برینداربوون و زیانی ماددی زۆر بە شوێنەكە گەیشت”.

بە وتەی سەرچاوەكە”هێزێكی پۆلیس شوێنی ڕووداوەكەی گەمارۆدا و بریندارەكانی بۆ مەبەستی چارەسەر بۆ نەخۆشخانە گواستەوە، لێكۆڵینەوەشی لە وردەكاریی تەقینەوەكە دەستپێكرد”.

فەللوجە گەورەترین قەزای پارێزگەی ئەنبارە و لەو شارانەیە كە ڕێكخراوی داعش لە ساڵی 2014دا كۆنترۆڵی كرد،  دواتر هێزە عیراقییەكان لە پاش چەند ساڵێك لە چنگی چەكدارانی ڕێكخراوەكەیان دەرهێنا و ڕزگارییان كرد.

Leave a Reply

Your email address will not be published.

Time limit is exhausted. Please reload the CAPTCHA.