Home » هەواڵ » عێراق » راونگەی عێراقی داوا لە کازمی دەکات، ئەنجامی لێکۆڵینەوەکان دۆسیەی خۆپیشاندەران ئاشکرا بکات
خۆپیشاندان له ئەمریکا

راونگەی عێراقی داوا لە کازمی دەکات، ئەنجامی لێکۆڵینەوەکان دۆسیەی خۆپیشاندەران ئاشکرا بکات

روانگەی عێراق بۆ مافەکان مرۆڤ، کە رێکخراوێکی سەربەخۆیە، داوای لە سەرۆکوەزیرانی وڵاتەکە کرد، ئەنجامی لێکۆڵینەوەکانی دۆسییەی خۆپیشاندەران رابگەیەنێت.

ئەمڕۆ پێنچشەممە، روانگەی عێراق بۆ مافەکانی مرۆڤ راگەیەندراوێکی بڵاوکردەوە و تێیداهاتووە، “ساڵێک تێدەپەڕێت بەسەر خۆپیشاندانەکانی عێراق کە لە هەفتەی یەکەمدا ١٠٠ خۆپیشاندەر گیانیان لەدەستدا و حکومەتی عادل عەبدولمەهدی بەڵینیدا تاوانباران سزابدات، بەڵام هیچی نەکرد و دەستیلەکارکێشایەوە”.

راشیگەیاند، “کاتێک حکومەتەکەی عەبدولمەهدی هیچ هەنگاوێکی نەنا بەرامبەر تاوانباران، بکوژانی خۆپیشاندەران بەردەوامبوون لە دەستدرێژییەکانیان و زیاتر لە ٥٠٠ خۆپیشاندەر گیانیان لەدەستداوە”.

ئاماژەی بەوەشکردووە، کە حکومەتەکەی کازمی هاوشێوەی حکومەتەکەی عەبدولمەهدی بەڵێنیدا لێکۆڵینەوە بکات و ئەنجامەکەی رابگەیەنێت، بەڵام تائێستا ئەوکارەی ئەنجامنەداوە، لەکاتێکدا ئەم دۆسییەیە لە دیارترین ئەو دۆسیانەیە کە ئەم حکومەتەی لەسەر دامەزراوە.

راونگەی عێراقی داواکارییەکەی دووپاتدەکاتەوە و داوا لە مستەفا کازمی سەرۆکوەزیرانی عێراق دەکات، ئەنجامی لێکۆڵینەوەکان ئاشکرابکات، روانگەکە ئومێدەوارە بەم نزیکانە ئەو هەنگاوە بنرێت، ئەگەر وانەکرێت ئەوا مافی خۆپیشاندەران جارێکی تر دوادەخرێتەوە و کاری جدی بۆ ناکرێت.

لە کۆتایی راگەیەندراوەکەیدا، روانگەی مافی مرۆڤی عێراقی دەڵێت، “رانەگەیاندنی ئەنجامەکان و لێنەپرسینەوەی بکوژانی خۆپیشاندەران، دەستخەرۆکردنێکی گەورەی خۆپیشاندەران و هەموو عێراقە و رێگە بۆ بکوژان خۆشدەکات بەردەوامبن لە ئەنجامدانی تاوانەکانیان.”

Leave a Reply

Your email address will not be published.

Time limit is exhausted. Please reload the CAPTCHA.