Home » هەواڵ » عێراق » سامەڕا وەک پایتەختی شارستانیەت و کلتوری ئیسلامی دەناسێنرێت
سامەڕا

سامەڕا وەک پایتەختی شارستانیەت و کلتوری ئیسلامی دەناسێنرێت

پەرلەمانی عێراق دەنگیدا لەسەر هەمواری یەکەمی یاسای “سامەڕا وەک پایتەختی عێراق بۆ  شارستانیەتی ئیسلامی” و شارەکەی وەک پایتەختی عێراق بۆ  کلتوری ئیسلامیش پەسەندکرد.

ئێوارەی ئەمڕۆ پەرلەمانی عێراق بەسەرۆکایەتی حەسەن کەعبی، جێگری یەکەمی سەرۆکی پەرلەمان و بەئامادەبونی 175 پەرلەمانتار کۆبوەوە و لە تەوەرێکی کۆبونەوەکەدا پەرلەمان دەنگیدا لەسەر هەمواری یەکەمی یاسای “سامەڕا وەک پایتەختی عێراق بۆ  شارستانیەتی ئیسلامی” و شارەکەی وەک پایتەختی عێراق بۆ  کلتوری ئیسلامیش ناساند.

شاری سامەڕا دەکەوێتە بەشی رۆژهەڵاتی روباری دیجلە و دەکەوێتە سنوری پارێزگای سەڵاحەدین (125 كيلۆمەتر لە بەغدا دورە)، شارەکە یەکێکە لە ناوچە دیارەکانی شارستانیەت و کلتوری ئیسلامی و بەهۆی بونی گۆڕی (عەلی هادی و حەسەن عەسکەر)یش وەک یەکێک لە شوێنە پیرۆزەکانی لای شیعەکان ناسراوە، سامەڕا ساڵی 2007 لەلایەن رێکخراوی یونسکۆوە خراوەتە لیستی شوێنەوارە جیهانییەکان.

Leave a Reply

Your email address will not be published.

Time limit is exhausted. Please reload the CAPTCHA.