Home » هەواڵ » ڕۆژهەڵاتی ناوەڕاست » فڕۆکە جەنگییەکانى تورکیا بۆردومانى هەریەکە لەناوچەکانى بنارى قەندیل و دۆڵی باڵەییان کرد
فڕۆکە جەنگییەکانى تورکیا

فڕۆکە جەنگییەکانى تورکیا بۆردومانى هەریەکە لەناوچەکانى بنارى قەندیل و دۆڵی باڵەییان کرد

کەمێک پێش ئێستا فڕۆکە جەنگییەکانى تورکیا بۆردومانى هەردوو ناوچەى باڵەییان و بنارى قەندیلیان دەستپێکردوەو زیانى مادیشیان بەر ناوچەکە گەیاندوە.

سەرچاوەیەکی لە ناوچەکانى قەندیل و باڵەکایەتى رایگەیاند، ئەمشەو فڕۆکە جەنگییەکانى تورکیا بۆردومانى هەریەکە لەناوچەکانى بنارى قەندیل و دۆڵی باڵەییان کرد ئاماژەى بەوەشکرد، فرۆکەکان بۆردومانى پردى ماونانی دۆڵی باڵەیانی کردوەو فڕۆکەکان ناوەڕاستی گوندی زارگەلی بۆردومان دەکەن، کە ناوەڕاستی بناری قەندیلە.

هاوکات بەهۆی بۆردومانەکەوە کارەبای گوندەکانی بناری قەندیل  پچڕاوە و زیانێکى مادی زۆریش بەر رەزو باخى ناوچەکە کەوتووە.

هەروەها فڕۆکە جەنگییەکان سێ جار لەسەر یەک بۆردومانی دەوروبەری گوندی ڕەژوکەریانی کردوەو تائێستاش بۆردۆمان بەردەوامەو دەنگی فڕۆکەو بۆردمان کردنەکە بەتەواوی دێتە ناو قەزای چۆمان، هاوکات فڕۆکەکان جگە لە ئاسمانی باڵەکایەتی و قەندیل بە ئاسمانی سۆران  و برادۆست دەسوڕێنەوە.

سوپای تورکیا لە ئەسمان و زەمینەوە لەناوەڕاستى ئەمساڵ ئۆپەراسیۆنى بۆسەر خاکى هەرێم لەدژى بنکەو بارەگاکانى پەکەکە دەستپێکرد، بەڵام مانگى رابردوو ئەو ئۆپەراسیۆنەى بەشێوەیەکى کاتى لە زەمینەوە راگرت، بەلام لە ئاسمانەوە تائێستا بۆردومانى ناوچە سنوریەکانى هەرێم هەر بەردەوامە.

Leave a Reply

Your email address will not be published.

Time limit is exhausted. Please reload the CAPTCHA.