Home » ئابوری » نرخی نەوت بەردەوامە لە دابەزین
نرخی نەوت

نرخی نەوت بەردەوامە لە دابەزین

نرخی نەوت بەردەوامە لە دابەزین و هۆكاری سەرەكیش شەپۆلی دوەمی بڵاوبونەوەی ڤایرۆسی كۆرۆنایە لە سەرتاسەری جیهان.

ئەمڕۆ هەینی نرخی نەوت بۆ سێهەمین رۆژی لەسەریەك دابەزینی بەخۆوە بینی، بەگوێرەی ناوەندەكانی تایبەت بەو بەرهەمە خاوە یەك بەرمیل نەوتی خاوی برێنت بە رێژەی لەسەدا 1.4 بەهای دابەزیوە و بە 37.14 دۆلار كۆتا مامەڵەی پێوەكراوە.

نرخی یەك بەرمیل نەوتی خاوی رۆژئاوای تەكساس لە ئەمریكا بە رێژەی لەسەدا 1.3 دابەزیوە و بە 35.69 دۆلار ئەمڕۆ هەینی كۆتا مامەڵەی پێوەكراوە.

ئەوەش لەكاتێكدایە دوێنێ پێنجشەممە خاوی برێنت نزمترین ئاستی لە نرخەكەیدا تۆماركرد بەراورد بە پێنج مانگی رابردو، نەوتی خاوی ئەمریكاش هاوشێوە دوێنێ نزمترین ئاستی تۆماركرد بەراورد بە نرخەكانی لە مانگی حوەزەیرانی ئەمساڵەوە هەتا پێنجشەممە.

پێشبینیش دەكرێت بەرزبونەوەی ئاماری توشبون و مەرگ بە كۆرۆنا لە ئەوروپا و ویلایەتە یەكگرتوەكان زیان بە رێژەی بەكارهێنانی سوتەمەنی دەگەیەنێت و كاریگەری بەرچاو لەسەر نرخەكانی دەبێت.

Leave a Reply

Your email address will not be published.

Time limit is exhausted. Please reload the CAPTCHA.