Home » هەواڵ » جێهان » هەواڵێكی دڵخۆشكەر لەبارەی كۆرۆناوە 
كۆرۆنا

هەواڵێكی دڵخۆشكەر لەبارەی كۆرۆناوە 

زانایان لە هۆنگ كۆنگ، ڤاكسینێكی دژ بە میكرۆبەكان بە نرخێكی شیاو ڕادەگەیەنن كە بۆ چارەسەری قورحەی گەدە و هەوكردنی بەكتریا بەكاردەهێنرێت و ئەنجامی باشی بۆ بنبڕكردنی كرۆنا داوەبەدەستەوە لەكاتی تاقیكردەوە لەسەر ئاژەڵەكان.

توێژەرەكان لەسەر دۆزینەوەی ئەگەری كاریگەریی دەرمانە كانزاییەكان و ئەو چارەسەرانەی كانزایان تێدایە و لە نەهێشتنی بەكتریادا بەكاردەهێنرێن كاردەكەن، بەو پێیەی تایبەتمەندی دژە ڤایرۆسیان هەیە و دەكرێت ڕووبەڕووی ڤایرۆسی (سارس- كۆڤید-2) ببنەوە.

لە ئەنجامی بەكارهێنانی مشكی سوری لە تاقیگەكان، توێژەران بۆیان دەركەوت یەكێك لە چارەسەرەكان كە (رانیتیدین سیترات ئەلیزمۆت)ە، كاریگەرییەكی بەهێزی دژ بە (سارس-كۆڤید-2) دروستكردووە.

ئەمڕۆ دوو شەممە، رانینگ وانگ توێژەر لە زانكۆی هۆنگ كۆنگ، لەكاتی خستنەڕووی توێژینەوەكە بە ڕۆژنامەوانانی ڕاگەیاند”چارەسەری (رانیتیدین سیترات ئەلیزمۆت) توانای هەیە دە هێندە بارگرانی ڤایرۆسی لە گەروی مشكی تووشبوودا كەمبكاتەوە، بەپێی ئەو ئەنجامانەی دەستمان كەوتوون، ئەو چارەسەرە ئەگەری هەیە ببێتە دژە ڤایرۆسەكان و حاڵەتەكانی (كۆڤید-19)ش چارسەر بكات”.

ڤایرۆسی كۆرۆنای نوێ‌ كە لە سەرەتاوە لە مانگی كانوونی یەكەمی 2019 لە شاری وۆهانی هەرێمی هۆبی چین دەركەوت و دواتر بە جیهاندا بڵاوبۆوە، لەو دەمەوە بووە مایەی گیانلەدەستدانی زیاتر لە ملیۆنێك كەس.

Leave a Reply

Your email address will not be published.

Time limit is exhausted. Please reload the CAPTCHA.