Home » هەواڵ » کوردستانی » وەزارەتی تەندروستی تاوتوێی بەردەوامی پرۆسەی خوێندن دەكات
وەزارەتی تەندروستی

وەزارەتی تەندروستی تاوتوێی بەردەوامی پرۆسەی خوێندن دەكات

بەپێی زانیارییەكان سەدان مامۆستا و خوێندكار لە قوتابخانەكاندا توشی كۆرۆنا بوون و وەزیری تەندروستیش ئاشكرای دەكات، هەفتەی داهاتوو ئەنجومەنی وەزارەت تاوتوێی بەردەوامی پرۆسەی خوێندن دەكات.

سامان بەرزنجی لە میانەی سەردانێكدا بۆ شاری سلێمانی لە كۆنگرەیەكی رۆژنامەوانیدا وتی: ئەنجومەنی وەزارەت رۆژی یەكشەممەی داهاتو كۆدەبێتەوە و جارێكی دیكە هەڵسەنگاندن بۆ بەردەوامی پرۆسەی خوێندن لە قوتابخانە و ناوەندەكانی خوێندن دەكات لەكاتێكدا دۆخی بڵاوبونەوەی كۆرۆنا مەترسی تەشەنەسەندنی هەیە.

رونیشیكردەوە، ئەنجومەنی وەزارەت 1ـی تشرینی دووەم كۆدەبێتەوە پرسی بەردەوامبوونی پرۆسەی خوێندن تاوتوێ دەكات، داوایانكردووە قوتابخانەكان پێویست دەكات سەرەڕایی پابەندبوون بە رێنماییەكان، بابەتی هاتوچۆی خوێندكاران و شوێنی نانخواردن و دانیشتنیان رێكبخرێت، بەپێچەوانەوە ئەو ناوەندانەش مەترسی بڵاوبوونەوەی پەتاكەیان تێدا دروست دەبێت.

لە سنوری پارێزگاكانی هەولێر خوێندن بە گشتی دەستیپێكردووە، بەڵام لە سلێمانی و هەڵەبجە و راپەڕین و گەرمیان خوێندن تا ئێستا وەستاوە.

Leave a Reply

Your email address will not be published.

Time limit is exhausted. Please reload the CAPTCHA.