Home » هەواڵ » کوردستانی » وەزیری کارەبا جەخت لەپێدانی کارەبا بەکەرتی تایبەت دەکاتەوە
وەزیری کارەبای حکومەتى هەرێم

وەزیری کارەبا جەخت لەپێدانی کارەبا بەکەرتی تایبەت دەکاتەوە

وەزیری کارەبای حکومەتى هەرێم میوانداری لیژنەی وزەو سامانە سروشتیەکان و پیشەسازی و بازرگانی لەپەرلەمانی کوردستان کرا و تێیدا جەختی لەسەر پرۆسەی بەڕێوەبردنی سێکتەری دابەشکردنی کارەبا کرد لەلایەن کەرتی تایبەتەوە.

وەزارەتی کارەبا لەڕاگەیەندراوێکدا ئەوەی خستەڕوو، کەمال محمد وەزیری کارەبا لەبەردەم پەرلەمانتاران لە لێژنەی وزەو سامانە سروشتیەکان و پیشەسازی و وزەدا، بە داتاو ژمارە باسی لەو گۆڕانکاریانە کرد، کە لە کەرتی کارەبا ئەنجام دراوە، و جەختی لەسەر پرۆسەی بەڕێوەبردنی سێکتەری دابەشکردنی کارەبای کرد لە لایەن کەرتی تایبەتەوە بەتایبەتی لەسەر گرنگی پرۆسەکە بۆ هاوڵاتیان و بەرژەوەندی گشتی.

ئەوەش خراوەتەڕوو، وەزیری کارەبا ئەوەشی ڕاگەیاند، پرۆسەی بەڕێوەبردنی دابەشکردنی کارەبا سوودێکی گەورەی بۆ هاوڵاتیان و بەرژەوەندی گشتی هەیە چ لەرووی پاراستنی ماوەکانی پێدانی کارەباو کەمکردنەوەی ڕۆتین و کەمکردنەوەی خەرجیەکانەوە بێت یاخود لەڕووی نرخەوە بێت کە هاوڵاتیان دڵنیا دەکەمەوە زیاد ناکات.

سەبارەت بە پاراستنی مافی فەرمانبەرانیش وەزیری کارەبا وتی:ئەو فەرمانبەرانەی لەکەرتی کارەبا کار دەکەن بەهەموو ئیمتیازو شایستەی موچەو خزمەتەوە مافەکانیان پارێزراو دەبێت .

Leave a Reply

Your email address will not be published.

Time limit is exhausted. Please reload the CAPTCHA.