Home » هەواڵ » کوردستانی » ژمارەیەك پەرلەمانتاری سوید نامەیەك ئاڕاستەی مەسرور بارزانی دەكەن
مەسرور بارزانی سەرۆكی حكومەتی هەرێم

ژمارەیەك پەرلەمانتاری سوید نامەیەك ئاڕاستەی مەسرور بارزانی دەكەن

ژمارەیەك پەرلەمانتاری سویدی لەبارەی دەستگیركردنی ڕۆژنامەنووسان لە هەرێمی كوردستان نامەیەك ئاڕاستەی مەسرور بارزانی سەرۆكی ئەنجومەنی وەزیرانی هەرێمی كوردستان دەكەن و ڕایدەگەیەنن: هەڵكشانی ژمارەی دەستگیركردن و بەكارهێنانی توندوتیژی و بێسەروشوێنكردن و ڕفاندنی رۆژنامەوانان و داكۆكیكەران لە مافی مرۆڤ بۆتە هۆی بەرتەسكبوونەوەی دیموكراسی لە هەرێمی كوردستان.

دەقی نامەكە:

نامەیەكی كراوە بۆ سەرۆك وەزیرانی حكومەتی هەرێمی كوردستان، مەسرور بارزانی

لە وڵاتی سوید پشتیوانییەك بەرچاو بۆ مافەكانی گەلی كورد هەیە، لە هەمان كاتدا نیگەرانییەك سەبارەت بە دەستگیركردن و بەكارهێنانی توند و تیژی دژی ڕۆژنامەوان و پارێزەرانی مافی مرۆڤ لە هەرێمی كوردستان هەیە.

هەڵكشانی ژمارەی دەسەتگیركردن و بەكارهێنانی توندوتیژی و بێسەروشوێنكردن و ڕفاندنی رۆژنامەوانان و داكۆكیكەران لە مافی مرۆڤ بۆتە هۆی بەرتەسكبوونەوەی فەزای دیموكراسی لە هەرێمی كوردستان.

ئێمەی پەرلەمەنتارانی سویدی، كە ساڵانێكی زۆرە داكۆكی لە داوا ڕەواكانی گەلی كورد بۆ دیموكراسی و ئازادی دەكەین، داوای ئازادكردنی بێمەرجی ڕۆژنامەوان شێروان شێروانی و گشت ئەو ڕۆژنامەوانانەی دیكە و پارێزەرانی مافی مرۆڤ دەكەین، كە ئێستا دەستگیركراون و لە زیندانن لە بەر ڕا و بۆچونەكانیان.

ستۆكهۆلم، ٣١/١٠/٢٠٢٠

ئامینە كاكەباوە، یٔەندامی پەرلەمانی سوید، سۆسیالیستی سەربەخۆ.

مارگەرێتا سێدەرفێلت، یٔەندامی پەرلەمانی سوید، لە پارتی مۆدێرات.

یٔوللێ تورێل، یٔەندامی پەرلەمانی سوید، لە پارتی سوسیال دیموكرات.

Leave a Reply

Your email address will not be published.

Time limit is exhausted. Please reload the CAPTCHA.