Home » هەواڵ » عێراق » “گروپە چەكدارەكانی داعش سەرقاڵی خۆڕێكخستنەوەن “
ژماریەک له چەكدارانی داعش

“گروپە چەكدارەكانی داعش سەرقاڵی خۆڕێكخستنەوەن “

فەرماندەیی ئۆپەراسیۆنە هاوبەشەكانی عیراق ڕایدەگەیەنێت، گروپە چەكدارەكانی داعش سەرقاڵی خۆڕێكخستنەوەن و ڕەوشی ئێستای وڵاتییان قۆستۆتەوە، ئاماژە بە خاپووركردنی زۆرێك لە حەشارگە و تونێلەكانی ڕێكخراوەكەش دەكات لە كەركوك و دەوروبەری.

لیوا تەحسین خەفاجی، وتەبێژی ئۆپەراسیۆنە هاوبەشەكانی عیراق، ڕایگەیاند”چەكدارانی ڕێكخراوی داعش، لەم ماوەیەی دواییدا هەوڵی خۆڕێكخستنەوە دەدەن و تەنگژەی ئابوری و كۆرۆنایان قۆستۆتەوە، تابتوانن كارتەكانیان ڕێكبخەنەوە و دەست بە جموجۆڵ و چالاكی بكەنەوە”.

بە وتەی خەفاجی”ڕێكخراوی داعش پشتی بە هەندێك ناوچە بەستووە بۆ داڵدەدانی چەكدارانی، هێزە ئەمنییەكانیش زانیاریی هەواڵگری وردیان دەستكەوتووە سەبارەت بە جموجۆڵی چەكدارانی ڕێكخراوەكە ولەئێستا لە كەركوك و دەوروبەری كار لەسەر ئەو زانیارییانە دەكەن”.

وتەبێژی ئۆپەراسیۆنە هاوبەشەكانی عیراق دەڵێت”زۆرێك لە حەشارگە و تونێلەكانی سەر بە ڕێكخراوی داعش خاپوركران و چەك و تەقەمەنییەكی زۆری داعش دەستییان بەسەرداگیرا، دیاریكردنی ئامانج و شوێنی وەشاندنی گورزيش لە ڕێكخراوەكە، پێویستی بە دەستپێشخەریی ئۆپەراسیۆنەكان و دەستخستنی زانیاریی هەواڵگری وردە”.

Leave a Reply

Your email address will not be published.

Time limit is exhausted. Please reload the CAPTCHA.