دوایین راپرسی؛ بایدن لە چوار ویلایەتی ئەمریکا بەپێش ترەمپ دەکەوێت

بەپێی دوایین راپرسی، کاندیدی دیموکراتەکانی ئەمریکا لە چوار ویلایەتی گرنگی وڵاتەکە، بەپێش کاندیدی کۆمارییەکان دەکەوێت.

راپرسییە نوێیەکە سەرلەبەیانیی ئەمڕۆ یەکشەممە 1-11-2020 تۆڕی هەواڵیی (CNN) بڵاوی کردووەتەوە و تێیدا رێژەی پێشبینیکراوی دەنگەکانی دۆناڵد ترەمپی کاندیدی کۆمارییەکان و سەرۆکی ئێستای ئەمریکا و جۆ بایدنی کاندیدی دیموکراتەکان، بڵاو کراوەتەوە.

ئەو راپرسییە لە هەرچوار ویلایەتی میشیگان، ویسکنسین، کارۆلینای باکوور و ئەریزۆنا  ئامادە کراوە، کە ئەو ویلایەتانە بە ویلایەتی یەکلاکەرەوە لە هەڵبژاردنەکانی ئەمریکا، هەژمار دەکرێن.

رێژەی دەنگەکانی بایدن و ترەمپ لە چوار ویلایەتەکە:

– میشیگان

جۆ بایدن، رێژەی 53%ـی دەنگەکان

دۆناڵد ترەمپ، رێژەی 41%ـی دەنگەکان

– ویسکۆنسین

جۆ بایدن، رێژەی 52%ـی دەنگەکان

دۆناڵد ترەمپ، رێژەی 44%ـی دەنگەکان

– کارۆلینای باکوور

جۆ بایدن، رێژەی 51%ـی دەنگەکان

دۆناڵد ترەمپ، رێژەی 45%ـی دەنگەکان

– ئەریزۆنا

جۆ بایدن، رێژەی 50%ـی دەنگەکان

دۆناڵد ترەمپ، رێژەی 46%ـی دەنگەکان